Nae dien willem lambrechts den raide vand(er) stad te/ kinne(n) heeft gegeven dat alsulken vercopen als de meye(r)/ van berthem in meyni(n)gen was te doene op morghen/ vanden goeden reyners beatren sijns wynne(n) ten v(er)volge/ m(eester) jans van beringhen en(de) ja(n)ne vander eycken als daer/ toe geleyt uut scriven(e) en(de) versueke van des(er) stad gescr(even)/ inden merte lestleden sculdich wa(r)e te versmelten wa(n)t/ den dach d(aer) inne genoemt lange ov(er)leden was Ende/ den voirs(creven) meye(r) was geseet tvoirs(creven) v(er)coopen te v(er)houde(n)/ tot dat p(ar)tijen gehoirt naerde(r) daer op sijn soude v(er)sien/ Sijn de voirs(creven) geleydde comen seggen(de) dat hen va(n)/ dien belette groote vremde gave want sij boden te/ bewijsen dat duytsette(n) wa(r)e geschiet ter beg(eer)ten vand(er)/ wet ald(aer) op hope van peyse en(de) sond(er) p(re)judijs van/ hue(re)n p(ro)cedue(re)n in gevalle sij niet en v(er)accordeerden/ dat zij voirtvae(re)n souden moege(n) waer op de/ selve geleydde tot hue(re)n thoene sijn gewesen om/ dien te leyden op in vrijd(aige) naestcomen(de) En(de) tot den/ beslichte van desen sullen alle de gelev(er)de goede/ bliven in behouwend(er) hant en(de) in sequestre ende/ desgelijcx oic de vruchten alnoch te velde staen(de)/ onder den beleyde begrepen junii xxviii