Van lambrecht myllinc/ Joh(ann)es vande(n) kerchove clerc inden name en(de) van wegen lambrechts myllinc/ sone h(ere)n adaems wilen myllinc ridders en(de) joffr(ouwe) machtelden zijns wijfs/ docht(er) jans van haren van oest(er)wijc doet gebieden tdorp en(de) heerlicheyt/ van waelwijck metten tsijse opco(m)mighen recht en(de) heerlicheit hoghe ende/ neder en(de) metten scepenscap en(de) allen hae(re)n toebehoirten tot den selven dorp/ en(de) heerlicheyt horende gelijc bartelmeeus noyensoen van amerynghen/ en(de) joffr(ouwe) gertruyt van wielenstein docht(er) huyghs wilen foykens soen sijn/ wijf tvoirs(creven) dorp en(de) heerlicheyt te houden plaghen en daer aff de vors(creven)/ j(oh)anis vande(n) kerchove inden name en tot behoef des vors(creven) lambrechts en(de)/ joffrou machtelde(n) sijns wijfs goedinghe ontfaen heeft voe(r) meye(r) en(de) scepen(en)/ van loeven van wille(m)me nycoel sone wilen dierics die na den recht/ d(er) stat van loeven tot de(n) vors(creven) goeden come(n) en(de) geleydt was Te/ die(n) eynde (et)c(etera) hier af sijn de drie gebode gedaen opte(n) selve(n) tijt/ en(de) voe(r) die selve scepen(en) van loeven gelijc die gescreve(n) staen/ int gebot joffr(ouwe) katline(n) van vorsselaer voirscreve(n)