SAL7770, Act: R°460.1 (880 of 887)
Search Act
previous | next
Act R°460.1  
Act

Transcription

2019-11-08 by Transkribus Software
It(em) h(er)gielijs vranx canonick regulier es van der kercke(n) van/
sente pet(er)s te loeven(e) doet gebieden inden name en(de) van weghen/
der fundacien d(er) cappelrien van vier messen opden altae(r) vande(n)/
heylege(n) sacramente ind(er) voirs(creven) kercken alle weeken te celebre(re)n/
gesundert en(de) geordineert bij meest(er) joese wijlen bartmake(re)/
pb prieste(r) kem(er)linc ons ald(er)heylichste(n) vad(er)s des paeus van rome/
nu tegenwoirdich wesende erflic h(ier)nae volgen(de) vier gulden/
rijnsch d(er) vier coervorst(er) mu(n)ten voe(r) datu(m) sbriefs gemunt/
goet en gheve erflijk(er) renten aen en(de) op de goede h(ier) nae/
bescreve(n) willems vand(er) hofstad van cortbeke ov(er)loe Inden yerste(n)/
aen en(de) op de helicht van eenre woeni(n)gen met zeke(re)n grechten/
gelegen te cortbeke ov(er)loe op eene(n) berch [elken] tusschen dande(r) goede/
des selfs willems aen alle zijden Te weten opte helicht gelege(n)/
te kerchove(n) w(er)t ald(aer) It(em) op vijf dachmael lands gelegen opt/
cortbeke velt tuschen doude strate en(de) de goede roelofs vranx/
aen deen zijde en de goede der zielmissen van cortbeke ende/
des voirs(creven) wille(m)s aen dander zijde It(em) op ii boender bosch/
gelegen beneden de loe tuschen dbosch der kercken va(n) cortbeke/
en(de) den elsbosch roelofs vranx It(em) op i(½) dachmael bogarts/
vanden bogarde des voirs(creven) willems gelegen tselve i(½) dach(mael)/
tuschen de goede des voirs(creven) roelofs geheten den delbroeck hof/
de strate aldair en dand(er) helicht [gedeelte] vanden selve(n) bogarde Van/
welken iiii rijnsche gulden(en) erflic de voirs(creven) h(er)gielijs guedi(n)ge/
ontfaen heeft voer meye(r) en(de) scepen(en) van loeven tot behoef/
der voirs(creven) capelrien van cole van udekem die tot den goede(n)/
des voirs(creven) willems na den rechte van des(er) stad beleidt was/
Hier af zijn de drie gebode gedaen dyerste smaendaigs/
xxv junii int jair xiiii[c] liii cor(am) roelands witte dander/
cor(am) roelands meersberghe dleste cor(am) vynck meersb(er)ge
Contributorskristiaan magnus
Moderated bykristiaan magnus
Last update: 2018-06-13 by The Administrator