Tvo(n)nisse tussche(n) janne van arschot als procur(eur)/ jans de custe(re) geleydt na des(er) stad recht uut crachte/ van scepen(en) brieve(n) van loven(e) voer sijn wettich/ gebreck ond(er) den ande(re)n tot allen den goeden beyde have/ wout(er)s wilen van ijssche aenlegge(r) t(er) eenre en(de) goirde/ deenkens verweerde(r) t(er) ande(r) zijden om zeke(re) pe(n)ni(n)gen/ die de voirs(creven) goirt onder hadde en(de) sculdich was/ den voirs(creven) wilen woute(re)n de welke de voirs(creven) van/ arschot sustineerde dat hem inde(n) name vanden/ voirs(creven) geleydden en(de) toebehoef van sijne(n) wettige(n)/ gebreken sculdich souden sijn te volgen ende de/ voirs(creven) goirt t(er) contrarie(n) mits dien dat die pe(n)ni(n)g(en)/ aen hem met rechte tot hug(er)den wae(re)n gerasteert/ Es dat den den selve(n) ja(n)ne als p(ro)cur(eur) des voirs(creven)/ geleydde(n) de pe(n)ni(n)gen daer questien om is sculdich/ wae(re)n te volghen tot sijnder wettigher schult behoef/ cor(am) eisd(em)