Alsoe als ten v(er)volghe roelofs capellema(n) geleydt sijnde/ voer sijn wettich gebrec onder den ande(re)n tot allen den/ goeden beyde have en(de) erve pet(er)s wilen de wolf der weduwe(n)/ desselfs wilen pet(er)s die de selve goede houden(de) es hadde/ doen bevelen met eene(n) vorste(r) huer hande vande(n) selven/ goeden te lichtene en(de) af te doene oft dat sij op heden alh(ier)/ inde banc voer meye(r) en(de) scepen(en) van loven(e) te rechte/ quame des hij hem gedroech totten vorste(re) Ende want/ de voirs(creven) weduwe noch niema(n)t van hue(re)n weghen op hede(n)
//
te rechte comen en sijn soe hebben de scepen(en)/ van loven(e) ierst aengehoirt andriese van voshem vorste(r)/ die cleerde bij sijne(n) eede dexploit gedaen te hebben/ en(de) der voirs(creven) weduwe(n) dach bescheyde(n) t(er) manissen/ smeyers gewijst voer een vo(n)nisse soe v(er)re des/ voirs(creven) geleydde wed(er)p(ar)tije niet en quame ten opstane/ smey(er)s en(de) van hen scepen(en) datmen hem dan/ vanden voirs(creven) goeden houden sal in sijnen beleyde/ tot sijne(n) wettighe(n) gebreken behoef alsoe v(er)re alst noch/ voer hen scepen(en) comen es cor(am) py(n)noc opp(endorp) berge/ hove nausnide(re) tants julii xix