It(em) de voirs(creven) drie gebruede(re)n en(de) henr(ic) vekenkijl en(de) m(ar)griete/ baers en(de) zij(n) huysvrouwe in p(rese)ncia hebben gekint en(de) gelijdt/ elc den ande(re)n dat zij malcande(re)n volcomelijc en(de) al te vreden/ gestelt hebben en(de) geconteert van allen den goeden beyde have/ en(de) erve [en(de) oic vliegen(de) erve] die den selve(n) hen bleven en(de) verstorven zijn van en(de)/ nae der doot en(de) aflivich(eit) der voirs(creven) hue(re)r ouders en(de) voirt van/ allen ande(re)n saken clachten actien eysschen optichten so(m)men va(n)/ pe(n)ni(n)gen die zij malcande(re)n soude moege(n) eysschen oft des zij/ tot malcande(re)n te seggen(e) moegen hebben tot des(en) daghe/ toe bekynnen(de) elc van hen dat elc hij mette(n) goeden hem in/ deylingen gevallen te vreden es geweest en(de) soe v(er)re hem/ die ontvremt ontogen oft met rechte afgewo(n)nen wordden/ dat hij gheene reco(m)pensie oft rastoir d(aer)af en sal eysschen p(ro)mitt(entes)/ Geloven(de) malcande(re)n van des voirs(creven) is ne(m)mermeer ae(n) te spreken/ te vexe(re)n noch te moyen in ghene(n) rechte gheestelijc noch/ weerlijc bij hen selve(n) noch nyema(n)t anders cor(am) eisd(em)