It(em) ter meeder vestigheit van desen heeft de voirs(creven) denijs/ willem(me) van leefdale tot behoef des voirs(creven) h(ere)n en(de) meest(er) jans/ met janne willems lieutenan(t) smeyers van loeven(e) pantsghe/ wise in hande(n) gestelt de silve(re) juweele(n) h(ier) nae bescreven/ Ierst eene silve(re)n wat(er)pot met eene(n) platte(n) decsele en(de)/ oic met eene(n) platte(n) voete aende borde(n) en(de) in midden/ vergult en(de) mett(er) heyse(n) buyte(n) vergult en(de) met totele/ van eene(n) drake al vergult en(de) d(aer) boven staet en san/ gwijne rose staen(de) in een blau perck dair inne lage(n)/ vijf silve(re)n croese d(aer) inne sluyten(de) de(n) eene(n) altijt groot(er) dan/ den ande(re)n en(de) in midde(n) van elke(n) croese een(en) rant v(er)gult/ en(de) op de drie stont gescr(even) ind(er) gulden(e) rant hoc bibe/ quod possis en(de) opde dande(re) si te vis vive(re) sanus wegen(de)/ tsame(n) vijf en(de) een half m(er)ct en(de) drie ynghelsche stijf/ It noch eene silve(re)n cruy lepel die boecht aen tbeginsel/ vand(er) stertte met eene(n) vergulden(en) draecxhoofde en(de) bove(n)/ met eene(n) meneke(n) vergult It(em) noch twee silve(re)n lepele(n)/ met vergullen eekele(n) boven It(em) noch drie silve(re)n lepele(n)/ met drie kentige scarpe hooden vergult wegen(de) de lepele(n)/ al tsamen seve(n) once(n) vii(½) ingelschen Te dier meyni(n)ge(n)/ dat de voirs(creven) hee(re) en(de) meest(er) jan en(de) de(n) pensionar(is) he(m) talle(n)/ tijden als hen gelieft sele(n) moege(n) behulpen aende de/ voirs(creven) pande met vercoope(n) der selv(er) om de voirs(creven) lijfrente/ / met allen pachte(n) die dair af verschijne(n) sulle(n) en(de) alle coste(n)/ ende laste dair op geloepen dair aen te verhale(n) oft/ aen de(n) voirs(creven) denijse en(de) zijn goede dwelc hen best/ gelieft en(de) de voirs(creven) lijfpen(sien) afgequete(n) zijnde met allen/ verloepe coste en(de) co(m)mere dair op geloepe(n) sal de voirs(creven)/ hee(r) en(de) meest(er) jan de(n) voirs(creven) denijse de voirs(creven) silve(re)n ju/ wele sculdich zijn ov(er) te gheve(n) en(de) te restitue(re)n eisdem