Cont zij allen lieden dat jan oliviers vleeschouwere en(de)/ gertruyt van thienen sijn wijff in p(rese)ncien der scepen(en) van lov(en)/ gestaen hebben huers goedts moets willen voir hue(re)n/ uutersten wille gheordinert de pointe en condicien hier/ na verclart willende en begherende dat dese ordinancie na/ huer(er) beider doot voir eene codicille gehouden wordde van/ huer(er) beider goede [have en(de) erve] wair die en brabant gelegen zijn in/ woenen(de) huysen hoven wynnen(de) lande beempden eeuselen/ chijsen renten erfpachten en(de) lijftochten Ende inden yersten/ hebben zij malcande(re)n geconsentert en gheven met desen/ deen den ande(re)n over alle en yegewelke goede have en(de)/ erve en oic vliegen(de) erve hoe die genoempt mogen wesen/ wair die gelegen zijn om die bij hen en des lanxsten leven(de)/ van hen te besitten te gebruyken te vercopen te verthiere/ en te belasten [en(de)] na hue(re)r gelieften oft des eens van hen na/ des anders doot te dispone(re)n dient hen gelieft inden gevalle/ oft de lanxste leven(de) van hen ongehouwet bleve ende/ anders niet Behoudelic dat voir al na hue(re)r beider/ doot vanden selven goeden betaelt zullen worden alsulken/ hondert ryns guld(en) te lx pl(a)c(ken) tstuc eens den godshuyse/ vanden xi[m] meeghden te loven(e) als zij gelooft hebben/ te gheven na hue(re)r beider doot met katlijnen oliviers/ hue(re)r beider dochter nonne profes inden selven godsh(uyse)/ dair notaris over was gabriel wilen hane(n) Item es/ hue(re)n uutersten wille dat na hue(re)r beider doot ter stont/ betaelt sullen worden twintich r(yns)gul(den) te lx pl(a)c(ken) tstuc ons(er)/ liever vruwen van sinte peters te loven(e) en(de) vijf gelike/ r(yns) guld(en) totter refectien van sinte peters outaer inder/ selver kercken Vort hebben zij geordinert en maken twintich/ stuvers te iii pl(a)c(ken) tstuc der pytancien vanden p(re)dickeren te/ loven(e) erflic te heffen op een huys met zijnd(er) toebehoirte(n)/ der voirs(creven) gehuysche inde penstrate gelegen te distribue(re)n/ opden dach van hue(re)r beider jairgetijde desgelix maken/ zij voir hue(re)r beider jairgetijde dat pytancien vand(en)/ voirs(creven) xi[m] meeghden Item is hue(re)r beider begherte/ dertich stuv(er)s erflic te iii pl(a)c(ken) op alle hue(re) goede Item bege(re)n zij en(de)
//
en(de) maken janne en gertruden wettige kynde(re) wouters ve(re)nbruyne(n)/ die hij heeft van barbelen olijviers sijnen wijve dochter der/ vors(creven) g(er)truden elcken van hen vijf en(de) twintich r(yns) guld(en) eens ind(er)/ werde vors(creven) janne vander rest den jongen [jans sone] die hij heeft van/ lijsbetten oliviers sijnen wijve dochter d(er) voirs gehuyssche/ vijftich ryns guld(en) eens en(de) arnde en(de) marien vander rest/ brueder en(de) suster des voirs(creven) jans des jongen elcken vijf ende/ twintich gelike ryns guld(en) eens die zij willen datmen/ eenen yegeliken vanden legatarise va hue(re)r beyder doot gheve(n)/ sal om elcx deel van dien bekeert te worden ten meesten proffijte/ der voirs(creven) kynde(re)n zond(er) huer ouders vad(er) oft moeder dair/ inne e(n)nich bewint te hebben mits [seke(re)n reden(en) hen hier toe porren(de)] ende wes goede/ boven de makinge voirs(creven) na hue(re)r beider doot bliven/ sullen is hue(r) begherte dat deen helicht van dien volgen/ sal den wettighen kynde(re)n vors(creven) des voirs(creven) wouters en(de) barbelens/ en dande(re)n helicht den wettigen kynde(re)n des voirs(creven) jans/ vand(er) rest en(de) lijsbetten oliviers om die bekeert te worden als/ voirs(creven) is en(de) ..? ter ordinancien vanden executoirs die de/ voirs(creven) gehuyssche d(air) toe ordine(re)n zullen ...? hier inne v(er)sien/ dat de voirs(creven) jan oliviers en(de) zijn wijf desen hue(re)n/ uutersten wille zullen gesamender hant mogen v(er)ande(re)n/ mynde(re)n en(de) meerde(re)n na hue(re)r beider gelieften sonder/ yemants wedersegghen cor(am) opp(endorp) tants augusti ix

al wart dat hier/ inne e(n)nige clau/ sulen oft solem/ niteiten van rechte/ die hier toe be/ houden v(er)suempt/ wa(r)en te setten