It(em) joffr(ouwe) margriete wis wed(uwe) ph(ilip)s wilen van merssche/ nu t(er) tijt huysvrouwe jans de decke(re) hebben(de) procuracie vande(n)/ selve(n) ja(n)ne hue(re)n man in behoirlik(er) forme(n) gepasseert voer/ borg(er)meeste(re)n scepen(en) en(de) raide der stad van loven(e) van/ te moegen eysschen en(de) quijtschelden alle goede en(de) sculden/ diemen den selven janne sculdich mach wesen alsoe dat/ blijct bijd(er) selv(er) procuracie(n) voer ons scepen(en) geexhibeert heeft/ gekint en gelijdt van woirde te woirde alsoe de quitan(cie)/ bij janne bescreve(n) sijne(n) wive besegelt inheeft daer/ af de tenue(r) hier na volght Ic jan de decke(re) van/ antw(er)pen als man en(de) momboir m(ar)grieten wis wed(uwe)/ wilen ph(ilip)s vand(er) merssche nu mijns wijfs kinne/ en(de) lijde ontfaen te hebben(e) vanden executeurs wilen/ jans uute(n) lyemi(n)gen en(de) vrouwe jeha(n)ne van erpe testame(n)teurs/ de so(m)ma van vijftich rijns gul(den) tstuc te lx pl(a)c(ken) brab(ants)/ in gereede(n) pe(n)ni(n)gen d(air) mede ic beki(n)ne inden name van/ mijnd(er) voirs(creven) huysvrouwe(n) dat zij en(de) ic volcomelic voldaen/ sijn van allen sculden en(de) gebreken die wilen meest(er)/ jan van erpe geheete(n) ostonis den voirs(creven) ph(ilips)e sculdich en(de)/gebreken die wijlen belanc mocht wesen van geleende(n)/ verleeghden pe(n)ni(n)gen dienste oft and(er)s in wat manie(re)n dat/ wae(re) verloven(de) dat wij de selve executuers noch/ egheene(n) van hen noch oic derfgename(n) vanden voirs(creven)/ wilen meest(er) ja(n)ne ja(n)ne wilen uute(n) lyemi(n)gen ende/ vrouwe(n) jeha(n)ne(n) voirtaen ne(m)m(er)meere aen spreken noch/ vervolgen en selen va(n) e(n)nigen gebreken in e(n)nigen rechte/ gheestelic noch weerlic in e(n)nig(er) manie(re)n cor(am) pynnoc/ hove julii xix