SAL7770, Akte: R°370.1 (726 van 897)
Akte R°370.1
Act
Datum: 1484-05-12
Transcriptie
2019-12-12 door Transkribus SoftwareIt(em) om te comen tot den accorde tusschen gheerde/
duegens t(er) eenre zijden en(de) jouffrouwe(n) anne(n) laureys/
sijnre huysvr(ouwe) t(er) ande(re) zijn zij ov(er)comen en(de) hebben/
geloeft met heu(r)en vriende(n) de pointe(n) en(de) articlen/
h(ier) na bescr(even) Ende yerst dat de voirs(creven) gheert ter/
stont als ydeken die nu d(er) stont kint van hem draegt/[verleeght en(de) gelegen sal zijn van huer]af scheyden sal en ne(m)mermeer bij hem come(n) mair/
sal hem hulpe(n) tot der tijt toe dat zij uutgegaen sal/
zijn It(em) dat de selve geert in gheenre manie(re)n en/
sal finan(cien) doen sonder consent vander voirs(creven) zijnre/
weerdinne(n) En dat de selve zijn huysvr(ouwe) dbewint/
van alle heu(r)en goeden hebben sal en(de) sal geert dair/
toe alle behulp dat heur doen om dair mede te vervulle(n)/
heu(re)r beyder schulde(n) en(de) tierst de ghene die zij/
ghemaict heeft bynne(n) den tijde dat zij verscheide(n)/
hebbe(n) gheweest en(de) heur in gheenre manie(re)n smijte(n)/
noch stoete(n) mair sal alsoe met heur leven als/
een goet man sculdich met zijne(n) wive is te leven(e)/
en(de) zij sal hem oic soe doen als een goet wijf heu(r)en/
man sculdich is te doen(e) met alsulker voirweerd(en)/
condicien en(de) p(ro)testatien oft zij oft ennich van hen/
ennichssins gebreckelic bevonden wordde(n) in des voirs(creven)/
is dat elc van hen alsdan en(de) in dien gevalle/
staen sal blive(n) en(de) gehoude(n) wordde(n) in zijne(n) goede(n)/
rechte van alsulke(n) vonniss(en) van divortie(n) als bijd(en)/
officiael van luydick onlancx gewesen zijn sond(er)/
dat ennich van hen ennichssins hem met desen/
sal moege(n) behulpe(n) coram eisdem
Nagekeken door: kristiaan magnus
Moderator: kristiaan magnus
Laatste update:: 2018-06-13 door The Administrator