Aldair neest de ruyssche docht(er) wile(n) hubrechts weert doen/ hij leefde vander herberge geh(eten) den anthoenijs voe(r) den rade/ vander stadt hadde ontbode(n) jouffr(ouwe) josijne(n) werdinne willems/ van buetssele weert inde wildegans dede zij op hoe zij oic/ onlancx leden inde voirs(creven) h(er)berge vander wildegans met de(n)/ gesworen(en) diene(r) ons gened(ichs) h(ere)n tshertoge(n) in p(rese)ntie(n) van poirt(er)s/ hadde doen raste(re)n een p(ar)t toebehoiren(de) eenen geheete(n) thirion/ voe(r) vier rinsch en(de) sesse stuv(er)s die hij heur van mo(n)tcoste/ sculdich was bleve(n) hopen(de) en(de) sustine(re)nde want hij metde(n)/ gerasteerde p(er)de sonder hem te vernuege(n) wech ge(re)den was/ dat zij als weerdinne sculdich soude zijn dair voe(r) inne te/ staen(e) en(de) selve te betale(n) Dair op de voirs(creven) jouffr(ouwe) zosijne/ verantwerden(de) kinde genoech tvoirs(creven) rastament geschiet te/ zijne en(de) seyde dat zij den voirs(creven) thirion met heu(re)n knape/ sand ind(en) voirs(creven) anth(oenijs) en(de) de voirs(creven) neest hadde hem/ late(n) gaen mids de(n) welke(n) zij meynde genoech gedaen te/ hebbe(n) en(de) vand(er) voirs(creven) eyssche onghoude(n) te zijne Es get(er)mi/ neert bijde(n) voirs(creven) raide dat de voirs(creven) jouffr(ouw) josijne ge/ houde(n) sal zijn soe vele te doen(e) dat de voirs(creven) neest betaelt/ sal zijn oft selve te betale(n) tussche(n) dit en(de) bamisse naistc(omende)/ in consilio pleno junii xii