Alsoe als ten v(er)volghe claes ghielijs als p(ro)cur(eur) vrouwe(n)/ katlinen weduwe h(er) jans wilen van ranshem ridders/ die met scepen(en) brieve(n) van loven(e) dueghdelijc/ gepasseert houden(de) es aen en(de) op thoff van daelhem/ metten huysen hove(n) bogarden wat(er)moelen twee/ beemden en(de) allen ande(re)n sijne(n) toebehoirte(n) willems va(n)/ daelhem gelegen inde p(ro)chie van sinte pet(er)s vissenake(n)/ thiene gulden(en) lovenscher schilden erfelike rinten/ Gescreve(n) es geweest den meye(r) van cumptich oft/ sijnen stedehoude(r) hem de voirs(creven) goede voer gebrec/ der voirs(creven) rinte(n) te leve(re)n en(de) te doen volghen Ende/ oft de voirs(creven) willem van daelhem oft yemant and(er)s/ tegen de voirs(creven) scepen(en) brieven yet seggen oft allege(re)n/ wilden dat sij des quame(n) tot eene(n) zeke(re)n daghe als/ ten naesten verstreken(en) dage op heden dienen(de) alh(ier) inde/ banc voer meye(r) en scepen(en) van loven(e) int recht/ ald(air) de voirs(creven) willem noch nyema(n)t van sijne(n) wegen/ comen en es den voirs(creven) clase compare(re)nde ende/ trecht voirt versuekende doende oic blijcken certificacie/ oft resc(ri)pcie vanden voirs(creven) meye(r) de voirs(creven) execucie/ en(de) tdachbescheyden navolgen(de) den voirs(creven) scriven(e) bij/ hem geschiet te sijne Soe hebbe(n) de scepen(en) van loven(e)/ t(er) manissen smeyers gewijst voer een vo(n)nisse Soe v(er)re/ des voirs(creven) p(ro)cur(eur)s wed(er)p(ar)tije niet en quame ten opstane/ smeyers en(de) va(n) hen scepen(en) datme(n) hem dan vanden voirs(creven)/ goeden houden sal in sijnd(er) leveri(n)gen tot sijne(n) wettige(n) gebreke(n)/ behoef alsoe v(er)re alst noch voer hen scepen(en) come(n) es cor(am)/ opp(endorp) hove naus(nijdere) tants aug(usti) vii