Jan lonijs natuerlic sone h(ere)n jans wilen lonijs doet gebieden alsulke erflike/ goede metten tsijse en(de) heerlicheyt daer toe horende gelijc jan vand(er) kyesen/ sone henrics wilen vand(er) kyesen die goede mette(n) tsijse en(de) heerlicheyt inde/ prochie van kerkem en(de) daer omtrent houdende was en(de) gelijc de voirs(creven) jan lonijs/ die goede en(de) tsijse mett(er) heerlicheyt vercregen heeft jegen den selven janne vand(er)/ kyesen en(de) goedinghe d(aer) af ontfaen voe(r) meye(r) en(de) scepen(en) van loeven van clase/ van loen natuerlic sone meest(er) henrics wilen van loen die tot de(n) voirs(creven) goeden/ tsijse en(de) heerlicheyt comen ende geleydt was Te dien eynde (et)c(etera) hier/ af sijn de drie gebode gedaen Te weten dyerste gebot d(aer) af xxvi dage/ in februario int jae(r) ons he(re)n m cccc en(de) xxix p(rese)ntibus jacobo ex lyemi(n)ge(n)/ et henrico wante scabinis lovan(iensibus) Dand(er) gebot d(aer) af des sondaeghs ov(er) xiiii/ nacht d(aer) naest volgende p(rese)ntibus egidio rike (et) will(el)mo lombart scabinis/ lov(aniensibus) Tderde gebot d(aer) af des sondaeghs ov(er) xiiii nacht d(aer) na sond(er)/ myddel volgende p(rese)ntibus p(re)d(i)c(t)is jacobo ex lyemi(n)gen (et) henrico wante/ scabinis lovan(iensibus)