Wouter datijn he(r) van geneffe ende van jehaingt castelleyn ende/ voeght van worme doet gebieden tweehondert gulden cronen erfliker/ renten die hi vercregen heeft jegen baudewijn van glymez aen en(de)/ op de dorpe en goede hier na bescreve(n) des selfs baudewijns Inde(n) yerste(n)/ op tdorp van hevilleir mett(er) borch van birbays en(de) metten woeni(n)ge(n)/ huysen hoven wynnende(n) landen beemde(n) eeuselen wuwe(re)n molenen/ wate(re)n tsijs renten erfpacht manne van leene scepenscap en(de) metter/ heerlicheit hoghe en(de) ned(er) en(de) met allen sinen rechten en(de) toebehoirte(n)/ tot den selve dorpe en(de) heerlicheit van hevilleir horende En(de) aen en(de) op/ de heerlicheide(n) van misart en van vilrous metten tsijs en(de) renten d(aer)/ toe horende It(em) aen en(de) op de goede van haultboleer metten woeni(n)gen/ huysen hove bog(ar)den wynnenden landen beemde(n) eeusele(n) bossch tsijse pacht/ heerlicheit en(de) recht dair toe horende Van welke(r) erfliker renten voirs(creven)/ de voirg(enoemde) wout(er) datijn goedinge en(de) vesticheit heeft voe(r) meye(r) en(de)/ scepen(en) van loeven van rase van grave(n) he(r) van heverle en(de) van/ malevien die na de(n) recht d(er) stat van loeven tot de(n) voirg(eruerde) goede(n)/ comen en(de) geleydt was Te dien eynde (et)c(etera) Hier af sijn de drie/ gebode gedaen opten selven tijt en(de) voe(r) de selve scepen(en) gelijc/ staphans voirscreve(n) steet