Compare(re)nde voir den raide vander stad jan cruypelant/ cleermakere aenlegge(r) ter eender zijden en(de) willem de/ hane ter ande(re) ald(aer) de voirs(creven) jan exhibeerde tregister van/ des(er) came(re)n vand(er) daet ap(ri)lis xxviii li(br)[o] lix[o] en(de) versocht te/ hebben betalinge van thien cronen erflijc d(aer) inne begrepen/ op thoff ter moelen met div(er)sen p(ar)cheelen van goeden te/ kerckem gelegen D(aer) op de voirs(creven) willem seyde dat he(m)/ zijn vervolch zee(r) vremde gheeft want die rinte toebehoirt/ der wed(uwen) henr(ix) wijlen cruypelant tot huer(er) tocht Oick waren/ de br(iev)[en] gegrosseert en(de) alsoe en const hij hem metten register/ niet behulpen noch en wae(r) dair op niet te letten Op dwelc/ de voirs(creven) jan repliceerde en(de) seyde dat hij vand(er) voirs(creven) wed(uwen)/ hadde transport der voirs(creven) rinten vanden welcken de brieve(n)/ liggen ond(er) meester jorijse ts(er)claes secretar(is) der stad van/ bruessel die hij mits sijnder afhendicheit niet en conste/ gecrigen versueken(de) als voir zijn betalinge Es geterminert/ daerde vors(creven) jan sijn brieve voir ogen bringen en(de) exhiberen sal/ en(de) dae(re)nteynden recht Act(um) in pleno consilio augusti xxix