Item katlijne van achter dochter wilen jans met eene(n) mo(m)boir/ inden name van haer selven en(de) inden name en(de) van weghen/ katlijnen van rode huer(er) natuerliker dochter die zij behouden/ heeft van wilen henricke van rode ond(er) hue(r) daghe zijnde/ die zij hier inne gelooft heeft te vervangen zo wanneer/ sij tot hue(re)n dagen comen sal sijn dien bij testamente en(de)/ uutersten wille des voirs(vreven) wilen henrix gemaect zijn deen/ helicht van allen zijnen goeden beruerlic en(de) omberuerlic gelijc/ tselve testament uutwijst dair inne notarijs is geweest/ her mychiel roekeloes priester prochiaen van sinte mych(iels)/ te loven(e) henric mertijns en(de) katlijne van achter zijn wijf/ ter eender gielis van rode jan bercman inden name van/ margrieten van rode zijnen wijve suster des voirs(creven)/ gielis absent zijnde die hij hier inne gelooft heeft te/ vervangen en(de) jan bercman huer(er) beider zone ter ander/ sijden Sijn met malcande(re)n mynlic veraccordeert/ en(de) eensworden van allen den goeden beruerlic ende/ omberuerlic die de voirs(creven) wilen henric vercregen heeft met/ gertruyden wilen van achter zijnen wijve zuster d(er) voirs(creven)/ katlijnen hoe die genoempt mogen zijn oft die gelegen sijn/ der pointe en(de) condicien hier na bescreven die zij deen/ den ande(re)n chelooft hebben tonderhouden voir hen hue(re)n erven/ en(de) nacomelingen niet tegenstaende den voirs(creven) testamente/ dwelc een yegelic van hen soe v(er)re het [elken] aengaet en(de) alle ande(re)/ testamenten en(de) makinge revoce(re)n casseren en(de) te nieute doen/ willende dat die van onwerden zijn en(de) bliven machtebes/ Ende inden yersten es de meyninge en(de) consente(re)n deen den/ ande(re)n datmen alle de vors(creven) goede v(er)coepen en(de) ten hoeghpsten/ bringen sal en(de) die pe(n)ningen dair af comen(de) beke(re)n inde/ schout des voirs(creven) wilen henrix ende die betaelt zijnde/ wes dan dair overt datmen die deylen sal in iiii p(ar)tien/ Te weten(e) deen vierdel dair af der voirs(creven) katlijnen van/ achter en(de) huer(er) dochter dander vierdel den vors(creven) henr(icke) en(de) sijnen/ wijve tdel den vors(creven) gielise en(de) tvierde vierdel den vors(creven) janne en(de) sijne(n)/ wijve berge nausnide(re) sept(embris) iii