Compare(re)nde voir den rade vand(er) stad anthonijs va(n) glymes/ heeft hij te kinnen gegeven hoe al eist soe dat hij voir sijn/ wettich en(de) dueghdelijc gebrec nae der gulden rechte comen/ en(de) geleyt is tot allen den goeden beyde have en(de) erve berthel(meeus)/ clee(re)n en(de) de deken(en) vander gulden vand(en) jae(r) lxxviii april(is)/ xxix Dwelc is dboec lxxvii dat voe(r) de he(re)n meye(r) ende/ scepen(en) van loven(e) alsoe ov(er)bracht hebben en es dat nochta(n)/ alsoe niet geregistreert maer is daer inne wat gedoolt in/ dien dat inden selve(n) beleyde de goede die doen ov(er)gegoet/ werdden sijn gespecificeert dwelc gedragen soude tot sijne(n)/ grooten acht(er)deele en werdde hem d(aer)op niet versien/ bidden(de) mits dien dat tselve beleyt mocht wordden/ gereformeert op dat hij d(aer) mede goeden mochte viere/ rijnssche guld(en) erfelic van sesse rijns guld(en) die berthel(meeus)/ voirs(creven) hadde opde goeden van sijne(n) brued(er) en(de) sust(er) in huer(er)/ deylingen gevallen en(de) daer aen verhalen sijne wettighe/ gebreken hem noch uutstaen(de) alsoe dat bleec bijd(er) verificacie(n)/ staen(de) ond(er) de voirs(creven) guedinge uute(n) beleyde Heeft den/ raidt vand(er) stad na dien tregist(er) vand(er) gulden is/ geweest gevisiteert en(de) de clerc d(aer) op gehoirt ende/ gewegen al des d(aer) toe behoirde te wegen get(er)mineert/ en(de) uutgesproken dat tvoirs(creven) beleyt sal wordde(n) gereformeert/ en(de) gemaect generael tot allen berthel(meeus) goede(n) beruerlic en(de)/ omberuerlic en(de) dat de gespecificeerde goed(en) inde guedi(n)ge/ ald(aer) begrepe(n) sullen wordden gespecificeert en(de) dat hij/ voirts hem metten selve(n) beleyde sal moege(n) behulpen/ aengaen(de) den voirs(creven) iiii r(ijns) g(ulden) en(de) die d(aer) mede/ ov(er)goeden Maer hij en sal gheene voirde(r) guedinge/ noch vestich(eit) d(aer) mede moegen doen sond(er) weten en(de)/ consente vanden rade vand(er) stad ten tijde zijnde in/ pleno (con)silio sept(embris) x