SAL7770, Act: V°47.3-R°48.1 (101 of 888)
Search Act
previous | next
Act V°47.3-R°48.1  
Act
Date: 1483-08-14

Transcription

2019-09-18 by Transkribus Software
Acht(er)volgen(de) der voers(creven) submissien dat bijde(r) voers(creven)/
meest(ere)n willem(me) en(de) meest(er) matheus hue(r) eendrachtige/
uutsprake gedaen ind(en) manie(re)n h(ier) nae volgen(de) Te/
weten(e) ind(en) yersten dat de voers(creven) steijne(r) giel(is) de/
steyne(r) goote voers(creven) d(aer) inne dat dwat(er) valt vand(en)/
voers(creven) huysen tzijne(n) coste opde selve plaetse eene/
goede steyne(n) goote van goeder diepten wel te scote/
sal doen leggen eene(n) voet hoegher int uutloope(n)
//
der selver [die(n) staen sal opden hoeck vand(en) voers(creven) huyse achcht(er) ind(en)/
hoff des voers giel(is)] dan de erve es des [selfs] voirs(creven) giel(is) liggen(de)/
neve(n) den raemberch desselfs giel(is) om alsoe voirt/
dwate(re) zijne loep te hebben(e) over derve des voers(creven)/
gol giel(is) lancx zijne(n) [huyse] in zijne(n) voers(creven) hoff alsoe dat/
de voers(creven) jouffr(ouwe) aen hue(re)n muer die zij d(aer) lancx/
neeve(n) de voers(creven) goote sal doen maken gheene m(er)kelijc/
scade en grige En(de) als vand(en) voers(creven) twee [ande(re)n] mue(re)n es hun/
lancx en(de) dwers inden voers(creven) hoff staen(de) es hue(re)/
uutsprake aengesien dat zij bevinde(n) dat raemb(re)ge/
geweest zijn dienen(de) voe(r) donders des voers(creven) giel(is)/
dat die den selve(n) gielise(n) toebehoire(n) sullen niet tegestaen(de)/
dat de voers(creven) afseete ten erve wert gemetst staen/
der voers jouffr behalve dat de voers jouffr/
katlijne op dat huer gelieft vaste aen/
den selven langhen muer met huerer/
metselrien sal moegen metsen ende dafsaten/
op dat dair e(n)nighe inne quamen [in] metsen/
Voirts es hue(re) uutsprake dat de voers(creven)/
joffr(ouwe) met huer(er) begonne(n)der metselrien/
vast neve(n) den gheevelle des voers(creven) giel(is)/
sal moegen metsen op hue(re) oude fondem(en)t/
ende vand(en) hoecke desselfs geevels/
dair met voirts metsen drait rechte/
achtvert lancx neven de voers goote/
totten hoecke vand(en) voers(creven) ouden mue(re)/
langhen muere en(de) van dair voirts/
acht(er)wert vast neve(n) den selve(n) muer soe/
verre alst haer gelieve(n) sal sonder yemans/
wedersseggen cor(am) hove tants aug(usti) xiiii
ContributorsHadewijch Masure
Moderated byHadewijch Masure
Last update: 2018-06-13 by The Administrator