SAL7770, Akte: V°105.2-R°106.1 (209 van 897)
Akte V°105.2-R°106.1
Act
Datum: 1483-10-02
Transcriptie
2021-11-10 door Transkribus SoftwareAlsoe als ten v(er)volghe reyniers janot die ov(er)mits vo(n)niss(en)/
van scepen(en) brieve(n) van loven(e) voer sijn wettich/
gebreck come(n) en(de) beleydt es na den rechte der stad/
van loven(e) tot allen den goeden beyde have en(de) erve/
jans wilen delhaye jans en(de) willems sijnre kinde(re)n/
en(de) lambeerts wilen spillon Gescreve(n) es geweest/
met brieven der stad van loven(e) den meye(r) van/
meylhem oft sijne(n) stadhoude(r) hem de selve goede te/
leve(re)n en(de) te doen volghen Ende oft de voirs(creven) jan del/
haye h(er) jan capellaen te meylhem liebrecht robin en(de)/
henricx mottart als mo(m)boirs vande(n) kinde des voirs(creven)/
wilen lambeerts oft yemant and(er)s dair tegen yet segge(n)/
oft allege(re)n wilden oft hen e(n)nich rechts totten voirs(creven)/
goeden vermeten dat sij des quame(n) tot eene(n) zeke(re)n/
daghe mits v(er)strikene va(n) genechten op heden dienen(de)/
alh(ier) voer meye(r) en(de) scepen(en) van loven(e) int recht ald(aer)/
sij noch niema(n)t van hue(re)n wegen comen en sijn den/
voirs(creven) geleydden compare(re)nde en(de) trecht v(er)suekende/
Soe hebben de scepen(en) van loven(e) yerst aengehoirt
//
pauwelse bierma(n) bode der stad va(n) loven(e) die cleerde/ bij sijne(n) eede dexecucie en(de) dach bescheyden bijden voirs(creven)/ meye(r) navolgen(de) den staven(e) voirs(creven) geschiet te sijne/ t(er) manessen smeyers gewijst voer een vo(n)nisse soe/ verre des voirs(creven) geleydden wed(er)p(ar)tije niet en quame/ ten opstane smeyers en(de) van hen scepen(en) datmen/ hem dan vande(n) voirs(creven) goeden houden sal in sijne(n)/ voirs(creven) beleyde tot sijne(n) wettigen gebreke behoeff/ alsoe v(er)re alst noch voer hen scepen(en) comen es/ cor(am) o(mn)ibus scab(inis) dempt(is) py(n)noc roelants oct(obris) ii
//
pauwelse bierma(n) bode der stad va(n) loven(e) die cleerde/ bij sijne(n) eede dexecucie en(de) dach bescheyden bijden voirs(creven)/ meye(r) navolgen(de) den staven(e) voirs(creven) geschiet te sijne/ t(er) manessen smeyers gewijst voer een vo(n)nisse soe/ verre des voirs(creven) geleydden wed(er)p(ar)tije niet en quame/ ten opstane smeyers en(de) van hen scepen(en) datmen/ hem dan vande(n) voirs(creven) goeden houden sal in sijne(n)/ voirs(creven) beleyde tot sijne(n) wettigen gebreke behoeff/ alsoe v(er)re alst noch voer hen scepen(en) comen es/ cor(am) o(mn)ibus scab(inis) dempt(is) py(n)noc roelants oct(obris) ii
Nagekeken door: Mi-Je Van Gils
Moderator: Mi-Je Van Gils
Laatste update:: 2018-06-13 door The Administrator