Aldair voir den raide vand(er) stad comen es henrick vand(er)/ couthe(re)n wijng(ar)de(r) die aldair ontboden hadde stasse roelofs/ becke(r) seggen(de) dat hij als wijng(ar)de(r) jacops van nuysberghe
//
gewracht hadde den wijngart desselfs jacops die de/ voirs(creven) stas aenveert hadde bege(re)nde alsoe van hem betaelt/ te sijne want van pijne en(de) van arbeyde was Daer op/ stas seyde dat hij als geleyt den voirs(creven) wijng(ar)t aenveert/ hadde en(de) meynde alsoe voir te gane en(de) niet te geven(e)/ oic al moest hij yet te geven soe wa(r)en noch ande(re)/ geleydde die den selven stasse meynden voir te gane/ en(de) alsoe en meynde hij d(air) af niet te geven voir de/ sake beslicht wa(r)e Wert get(er)mineert gem(er)ct dat pijne/ en(de) arbeyt was en(de) gedaen aen den selven wijng(ar)t die/ stas aenvert hadde en(de) d(air) af hij de vruchten van des(en)/ ja(r)e getogen hadde dat de selve stas den voirs henr(icke)/ betalen soude ende soe v(er)re yema(n)t met ande(re)n beleyde/ den voirs(creven) stasse den wijngart mette(n) vruchte(n) ontoghe/ die soude de stad onderwijsen hem dat weder te ke(r)en/ Op welc toeseggen de voirs(creven) stas den voirs(creven) henr(icke)/ betaelt heeft xxxiii stuv(er)s die de voirs(creven) henric/ daer aen p(rese)nteerde bij eede te verifice(re)n d(air)aen v(er)dient/ te hebben in (con)s(ili)[o] p(rese)nt(ibus) hoeve(n) burg(imagistr)[o] naus(nidere) scab(ino)/ lomb(ar)t grave(n) horst tyerens (con)s(iliariis) et plu(r)ib(us) aliis oct(obris) iii