Alsoe als ten v(er)volghe goirts bubbele(re) geleydt zijnde na/ des(er) stadt recht tot allen de(n) goede(n) bijde have en(de) erve jans wilen/ vande(n) putte van nederijssche te wat plaetsen die gelege(n) zijn gescr(even) es/ geweest met brieve(n) van des(er) stadt den meye(r) van vilvoirde(n) oft zijnen/ stedehoude(r) te leefdale om hen de selve goede te leve(re)n en(de) peislic te doen/ volgen En(de) oft arnt van haegt en(de) de weduwe des voirs(creven) wile(n) jans/ dair tege(n) yet hadde(n) wille(n) allige(re)n oft hen ennichts rechts totte(n) voirs(creven)/ goede vermete(n) oft yemandt anders dat zij des op hede(n) come(n) wa(r)en/ alhier inde banc voe(r) meye(r) en(de) scepen(en) int recht aldair sij noch nyeman(de)/ van heure(n) wege(n) come(n) en zijn den voirs(creven) [geleide(n)] compa(rer)ende en(de) trecht voirt/ versuecken(de) Soe hebben de scepen(en) van loeven(e) na dat hen gebleke(n)/ es certificatie oft rescriptie vande(n) stedehoude(r) van leefdale dexecutie/ navolgen(de) den voirs(creven) scriven(e) bij hem geschiet te zijne ter maniss(en)/ smeyers gewijst voir een vonnisse zoe verre des voirs(creven)/ geleydde wederpartie niet en quame den opstaen(e) smeyers en(de)/ van hen scepen(en) datme(n) hem dan vanden voirs(creven) goeden houden/ sal in sijne(n) voirs(creven) beleyde tot sijne(n) wettige(n) gebreke(n) behoef alsoe/ verre alst noch voe(r) hen scepen(en) comen es Cor(am) eisdem