Aldair voe(r) den raide vander stad come(n) zijn clare weduwe joes wile(n)/ van bruysseghe(m) en(de) gielijs heur sone die aldair ontbode(n) hadde(n) gheerde/ van arschot bege(re)nde van hem voldaen te hebben(e) alsulcke(n) comentscap/ als de selve gheert tegen den voirs(creven) gielijse gedaen hadde alse van/ eene(n) huyse gelege(n) inde vetterie dwelc hij tege(n) den selve(n) gielijse/ gecocht hadde en(de) dat hem de voirs(creven) geert t(er) stont opleyde de/ penni(n)ghe vande(n) selve(n) coope ghem(er)ct dat de daghe dat hij die gegeve(n)/ soude hebbe langhe verstreken wa(r)en oft dat hij hem der comentscap/ afdroege Dair tege(n) de voirs(creven) gheert seyde dat hij alnoch de pe(n)ni(n)ge/ niet gereet gegeve(n) en conste mair begeerde dair af dach Wert/ getermineert dat de voirs(creven) geert t(er) stont oplegge(n) soude de penni(n)ge/ vande(n) selve(n) coope oft dat de comentscap doot en(de) te nieute bliven/ soude dair op gheert antwerdde dat hijs noch niet gegeve(n) en conste/ Ende zoe wert voirt get(er)mineert dat de voirs(creven) weduwe en(de)/ heur sone tvoirs(creven) huys weder om aenveerde(n) soude(n) als hoir prope(r)/ erve niet tegenstaen(de) der comentscap cor(am) hoeven burgim(a)g(is)ro (et)/ plurib[(us)] aliis de consilo octobr(is) vii[a]