Aldair op heden h(er) robbeert loenijs priest(er) bijde(n) raide/ vand(er) stadt ontboden heeft kathlijne(n) loenijs docht(er) wile(n)/ jans zijns brueders versueken(de) te hebben copie oft/ c(er)tificatie van twee brieve(n) den eenen onder seghel/ der scepen(en) van cumptich vander daet duysent/ vierhondert en(de) xxxiii xviii dage in janua(r)io en(de) de(n)/ ande(re)n v onder vijf seghele(n) van schouth(eit) en(de) ma(n)ne(n)/ van leene des abts van s(in)[t] cornielis munster opte(n)/ ynden vander daet duysent vierhondert en(de) xxxiiii/ inde maent van junio opte(n) seste(n) dach om hem d(air)/ mede in rechte te behulpe(n) oft dat segg(er)s dair/ af mochte(n) hebbe(n) lectue(r) want he(m) dair aen wa(r)e/ groot hinder oft p(re)judijs gelege(n) dwelcme(n) hem nae/ goede(n) rechte en(de) conde geweyge(re)n Heeft de selve/ kathlijne dair op geantwerdt dat zij heur hiel
//
aen tghene des in desen opte(n) xi[e(n)] dach van septe(m)ber/ lestleden wa(r)e get(er)mineert beghe(re)nde die terminatie voe(r)/ ooghe(n) geleet te hebben Es bijden voirs(creven) raide p(ar)tie(n)/ int lange gehoirt uutgesproken en(de) getermineert dat/ de voirs(creven) h(er) robbeert acht(er)volgen(de) der voirs(creven) t(er)mi(n)atie/ wa(r)e verdoolt van zijnen versuecke in consilio dece(m)/ bris xxix