It(em) jan oliviers geheeten mathijs sone wile(n) henr(ix) woen(ende) te/ herent in p(rese)ncia heeft genome(n) ende bekint genome(n) te hebben/ tege(n) meest(er) reyne(re)n van liefkenrode de p(ar)cheele(n) van landen hier/ nae volgen(de) Te weten ierst iii(½) dach(mael) lants geleg(en) opt/ langvelt It(em) i dach(mael) lants geleg(en) op tvelt geheete(n) blanckarts/ porte It(em) i(½) dach(mael) en(de) xii roeden op tselve velt It(em) i dach(mael)/ en(de) xxxi roeden lants geleg(en) opden berch beneden den/ reywech It(em) i(½) dach(mael) lants min drie roeden dair benede(n) geleg(en)/ It(em) (½) dach(mael) xiiii roede(n) lants geleg(en) opden hopbeemt so(m)me/ tsame(n) x dach(mael) iiii roeden Te houden te hebben en(de) in/ hueringe(n) te besitte(n) van half merte lestleden eene(n) t(er)mijn/ van tweelf ja(r)en lang due(re)nde deen nae dand(er) sonder/ middel vervolg(de) elcx jaers d(air)enbinne(n) elc dach(mael) om en(de) voe(r)/ thien molevaten rogs pag(abilis) cu(m) va(nn)[o] der maten van loeven(e)/ alle jae(re) sint andr(iesmiss)[e] ap(oste)ls te betale(n) en(de) te loev(en) te leve(re)n q(uo)l(ibet) ass(ecutu)[m]/ Es vorweerde dat de voirs(creven) wynne de voirs(creven) lande wynne(n)/ werve(n) ende mesten sal wel en(de) loflijc gelijc reengenoten/ boven en(de) beneden en(de) die laten besayt tsijne(n) afsceyden gelijc/ hij die vant tsijne(n) aencomen It(em) sal de voirs(creven) wynne jairlijcx/ gehouden sijn des voirs(creven) meeste(r) reyners wijn van sijne(n) wijng(ar)de/ soe wa(n)neer hij tijtverdich en(de) gesneden sal zijn te loeven(e)/ tsijne(n) huyse te vueren en(de) desgelijx soe vele stroes leve(re)n/ als d(air) mede men den wyngart binden sal En(de) alle/ dese vorweerden (et)c(etera) cor(am) hove nausnyde(re) julii xv