Vander questien die voe(r) den raide vander stadt come(n) es/ tussche(n) pete(re)n vand(en) poele t(er) eenre en(de) jannese py(n)nock/ ind(en) heyligengeest t(er) ande(r) zijde(n) ald(air) de selve pet(er) versocht/ te hebben(e) betalinge van alsulke(n) tween(de)twintich rijnsch g(ulden)/ als hem de selve jan noch tacht(er) was alsoe zij dat te gade(r)/ gekent hadde(n) uut saken van eene(n) hove te cortbeke gelege(n)/ dwelc hij tege(n) den selve(n) pet(ere)n gecocht hadde Dair tege(n) jan/ seyde dat hij inde goedinge die hem pet(er) gedaen hadde ghe/ breck hadde van wairscape en(de) sustineerde alsoe dat dat/ eer beslicht soude zijn eer hij he(m) h(ier)af betalinge soude d(er)ven/ doen Dair tege(n) pet(er) de contra(r)ie sustine(re)nde seyde dat hij/ voe(r) al hem sculdich soude zijn te betalen(e) ende hadde jan/ py(n)nock ennich geboeck van wairscape dat hij dat sculdich/ soude zijn te volge(n) met rechte Es bijd(en) raide vand(er) stadt/ uutgesproken en(de) get(er)mineert dat jan py(n)nock sculdich soude/ sal zijn opte leggen(e) en(de) te betalen(e) de voirs(creven) xxii r(ijnsch) g(ulden)/ en(de) heeft hij da(r)entynde(n) ennich gebreck op pet(ere)n dat hij/ dat volge(n) mach met rechte In consilio opidi p(rese)nt(ibus) boxho(r)en/ hoeven burgim(a)g(ist)ris guericx borch(oven) lombairt hanckairt/ tybe m(ar)celijs raveschote et plu(r)ibus aliis de consilio/ martii xix