SAL7770, Akte: V°314.2-R°315.1 (625 van 897)
Akte V°314.2-R°315.1
Act
Datum: 1484-03-24
Transcriptie
2023-02-20 door Transkribus SoftwareAldair op heden comen zijn voe(r) den raide vander stadt meest(er)/
pet(er) van thiene(n) meest(er) in arte(n) en lijcentiaet in beide(n) rechte(n)/
en(de) jan van thiene(n) zijn brueder met ennighe(n) heu(r)en mage(n) en(de)/
vriende(n) te beyden zijden te kennen gheven(de) hoe dat pet(er) wile(n)/
van thiene(n) en(de) wile(n) yde snaens zijn wijf vader en moed(er)/
d(er) voirs(creven) gebrued(ere)n gheordineert hadden en(de) beg(er)t de(n) voirs(creven) ghe/
bruede(re)n en(de) claesen wilen boone tot hen te zijne mo(m)boers/
van symoen(e) lijsbette(n) g(er)truyden kathlijne(n) en(de) josijnen van thiene(n)/
brueder en(de) suste(re)n der voirs(creven) gebruedere(n) onder heur dage zijnde/
tot dat zij mondich zijn soude(n) Mair want zij begheerde(n)/
scheydinge en(de) deylinghe aen te gaen(e) hi vande(n) goeden hen/
van hue(r)en ouders ghebleven op dat elc wete(n) mochte tzijne/
en(de) he(m) dair mede te behulpen dwelc zij sonder consent oft/
ap(ro)pbatie(n) vande(n) voirs(creven) raide die ov(er)ste momboe(re)n zijn niet/
en soude(n) connen gedoen ghemerct dat zij doen(de) de voirs(creven) deylinge/
selve p(ar)tijen sijn en(de) dair voe(r) in toecomen(de) tijden gericht mochte(n)/
werdden Bidden(de) zee(re) herttelic datme(n) de(n) voirs(creven) kinde(re)n vander/
stadt wegen ennighe momboe(re)n ordineerde dwelc aenhoirt/
Es bijden raden vander stadt notabelijck vergadert uutghe/
sproken ende ghetermineert dat gielijs de vos en(de) henrick de/
/
naen als vanden naesten maghe en vrienden der voirs(creven) weesen/
voirtaen sullen zijn momboe(re)n der selver weesen en(de) in heure(n)/
name verstaen tot der voirs(creven) deylinghe Ende soe wes bijden/
selve(n) alsoe gedaen vertege(n) oft geloeft sal wordden heeft de(n)/
voirs(creven) raid nu voe(r) alsdan geapprobeert gelaudeert en(de)/
gheratificeert in pleno consilio martii xxiiii
Nagekeken door: kristiaan magnus
Moderator: Mi-Je Van Gils
Laatste update:: 2018-06-13 door The Administrator