SAL7770, Akte: V°32.1 (64 van 897)
Akte V°32.1
Act
Datum: 1483-07-19
Transcriptie
2021-02-26 door Transkribus SoftwareAlsoe als te v(er)volghe walterus braken geleydt sijnde voer/
sijn wettich gebreck na des(er) stad recht onder den ande(re)n/
tot allen den goeden beyde have en(de) erve dierix wile(n)/
mattelon te wat plaetssen die gelegen sijn Gescreve(n)/
es geweest den bailli van ha(n)nuyt oft sijnen/
stedehoude(r) hem de selve goede te leve(re)n en(de) peysselic/
te doen volgen ende oft de weduwe en(de) kinde(re) des/
voirs(creven) wilen dyericx daer tegen yet seggen oft allege(re)n/
willen dat sij des quame(n) alhier voer meye(r) ende/
scepen(en) int recht tot eene(n) zeke(re)n daghe mits v(er)striken(e)/
van genechte(n) op heden dienen(de) ald(aer) de voirs(creven) weduwe/
hue(re) kinde(re) noch niema(n)t van hue(re)n weghen comen/
en sijn den voirs(creven) geleydde compare(re)nde doende oic/
blijcken c(er)tificacie vande(n) voirs(creven) meye(r) dexecucie en(de)/
tdach bescheyden navolgen(de) den voirs(creven) scriven(e) bij hem/
geschiet te sijne Soe hebben de scepen(en) van/
loven(e) t(er) manissen smeyers gewijst voe(r) een vo(n)nisse/
soe v(er)re des voirs(creven) geleydde wed(er)p(ar)tije niet en/
quame ten opstane smeyers en(de) van hen scepen(en)/
datme(n) hem dan vande(n) voirs(creven) goeden houde(n) sal/
in sijne(n) voirs(creven) beleyde tot sijne(n) wettigen gebreke(n)/
behoef alsoe v(er)re alst noch voer hen scepen(en)/
comen es cor(am) pynnoc opp(endorp) berge hove nausnide(re)/
tants julii xix
Nagekeken door: myriam bols
Moderator: myriam bols
Laatste update:: 2018-06-13 door The Administrator