Compa(rer)ende voe(r) den raide vander stadt vrancke van pa/ penbroeck en(de) vrancke uute(n) lyemi(n)ghe(n) zijn swag(er) t(er) eenre/ zijde(n) en(de) jan van bolloe t(er) ande(re) om thuys geheete(n) molenys(er)/ dwelc hanssen barbier tege(n) hen hadde gehuert d(aer) af den t(er)mijn/ noch duert van s(in)t jansmisse naistcomen(de) ov(er) drie ja(r)en en(de)/ voirts versuect de(n) voirs(creven) ja(n)ne van bolloe Mair want/ de voirs(creven) hanssen buyte(n) lants wa(r)e en(de) hem absenteerde soe/ hoopte(n) zij dat zij de naeste soude(n) zijn van heu(r)en goede(n)/ om dair mede heu(r)e prouffijt te doen(e) D(aer)op de voirs(creven) jan/ antwerdden(de) seyde dat hij hoopte te bliven(e) in zijne heu(r)e/ wa(n)t zij bekinde(n) de hue(r) beyde voe(r) en(de) nae gedaen en(de)/ hen gewraecht oft zij thuys beg(eer)den om tselve te bewoo(n)en/ antwerden zij neen Es get(er)mineert bijde(n) raide vand(er)/ stadt dat aenghemerct dbekinne(n) d(er) voirs(creven) geswage(re)n/ dat de voirs(creven) hue(r) volge soude den voirs(creven) ja(n)ne van bolloe/ den t(er)mijn uut in consilio pleno martii ultima