It(em) meester jan suket licentiaet inde(n) weerlijke(n) rechte/ renu(n)tie(re)nde tot des(er) de p(ri)vilegie(n) vander eerwerdig(er) univ(er)siteit/ van loeven(e) en(de) alle ande(re) die bij jouffr(ouwe) adelissien vande(n)/ breyne zijnder moeder gegoedt en(de) gheerft es voe(r) de(n) stadt/ hulde(n) en(de) ma(n)ne(n) van leen(en) des h(ere)n van attenhove(n) in alsulke(n)/ vive(n)twintich rijnsch g(ulden) erffelik(er) rente(n) jairlicx te kersmisse/ vallen(de) aen en(de) op xxxii boende(re)n boschs leens luttel min/ oft meer gelijc die gelege(n) zijn inde p(ro)chie van holsbeke/ tussche(n) de goede van attenhove(n) en(de) de goede des godshuys/ van sinte g(er)truyde(n) te loeven(e) Alsoe hem de selve rente/ tege h(ere)n jacoppe en(de) philipse vande(n) breyne in deylinge(n)/ viel met scepen(en) brieve(n) van loeven(e) vander daet xiiii[c]/ lxxviii vier dage in april op zeke(r) condicie(n) en(de) voirwerde(n)/ inde selve br(iev)[e] beg(ri)pen d(aer) aen dese tegewoirdige br(iev)[en]/ zijn gea(n)nexeert in p(rese)ntia heeft gekint en(de) gelijdt dat/ hij uut ocsuyne d(er) selv(er) rente(n) sculdich es te staen(e) tot/ alle alsulke(n) laste(n) als de selve zijn moeder sculdich es/ en(de) geloofde mette(n) selve(n) heu(re)n bruede(re)n en(de) sust(ere)n te laste/ te staen(e) En(de) heeft d(aer) om geloeft en(de) gelooft mids des(er)/ voe(r) hem zijne(n) erve(n) en(de) nacomelinge(n) den voirs(creven) gebruede(re)/ heu(re)n erve(n) en(de) nacomelinghen van alle(n) geloefte(n) condicie(n)/ en(de) voirwerden beg(ri)pen inde voirs(creven) br(iev)[en] te voldoen en(de)/ te volvue(re)n in sulck(er) mate(n) als de selve zijn moeder geloeft/ heeft vande(n) welcke hij hem geloeft heeft te ontheffe(n)/ En(de) t(er) ande(re) zijde(n) hebbe(n) geloeft de voirs(creven) h(er) jacop en(de) ph(ilip)s/ oick renu(n)tie(re)nde (et)c(etera) oft hen drie(n) alle heur goede hen in/ deylinge(n) ghevalle(n) ontoge(n) wordde(n) met rechte dat alsdan/ de voirs(creven) h(er) jacop en(de) ph(ilip)s sculdich sulle(n) zijn te restitue(re)n/ alsulke(n) hondert crone(n) eens te xxiiii st(uvers) tstuc iii pl(a)c(ken) de stuv(er)/ als zij beky(n)nen voe(r) de bate dat heure(r) sust(er) goede bet(aelt) wae(re)n/ dan des voirs(creven) h(er) jacops en(de) ph(ilip)s gedeelte getoge(n) en(de) ontfange(n)/ te hebben Ende mids des(er) hebbe(n) de voirs(creven) gebrued(ere)n t(er) eenre/ en(de) de voirs(creven) [joffr(ouwe)] adelissie t(er) ande(re) malcandere(n) van alle condicie(n)/ inde deylinge beg(ri)pen quijtgescouwe(n) en(de) malcande(re)n d(aer) af verdrage(n)/ bor(choven) rans(hem) tants maii v[a]