Alsoe als ten vervolghe jans vande(n) dorpe als p(ro)cur(eur) henricks be/ devast geleidt sijnde na des(er) stadt recht tot alle(n) de(n) goede(n) beide/ have en(de) erve voo(r)e zijn wettich gebreck henricks wile(n) truydens s/[willems wile(n) diener op jans tuts bet(aelt) jans wok(er)? van chienart] soe wair die gelege(n) zijn gescr(even) es gewest met brieve(n) van des(er)/ stadt aend(en) meye(r) van halen [alle officie(r)en] oft zijne(n) [heu(r)e] stedehoud(ere)n hem deselve/ goede te leve(re)n en(de) peislic te doen volghe(n) En(de) oft m(ar)griete/ weduwe des voirs(creven) wile(n) henricks en(de) werne(re) nu t(er) tijt heur/ man de weduwe willems wile(n) du(n)nepep(er) jan tuts en(de) jan straes/ borch dair tege(n) yet segge(n) wilde dat zij des quame(n) op heden/ alhier inde banc voe(r) meye(r) en(de) scep(enen) int recht Ald(aer) zij noch nieman(de)/ van heu(r)en wege(n) comen en is den voirs(creven) p(ro)cur(eur) compa(rer)ende ende/ trecht voirt versuecken(de) doen(de) oic blijke(n) c(er)tificatie en(de) rescriptie(n)/ vand(en) meye(r) van cumptich en(de) zijne(n) sted(ehouder) t(er) nuwercapelle(n) dat/ zij dexecutie navolgen(de) den voirs(creven) versuecke ged(aen) hadde(n) en(de) p(ar)tie(n)/ dach bescheide(n) Soe hebbe(n) de scep(enen) van lov(en) t(er) maniss(en) smeyers gewijst/ voe(r) een vo(n)nisse soe verre des voirs(creven) p(ro)cur(eur)s wederp(ar)tie(n) niet en/ quame ten opstaen(e) smeyers en(de) van he(re)n scepen(en) datmen hem/ / dan vanden voirs(creven) goeden houde(n) sal in zijnen voirs(creven) beleyde tot zijne(n)/ gebreke behoef alsoe verre alst noch voe(r) hen scepen(en) comen/ es in scampno p(rese)ntibus om(n)ibus dempto roelants maii xviii