It(em) tusschen willem(me) van leele als p(ro)cur(eur) henricx vander vare(n)t/ geheeten inthof en(de) zijnder medepleg(ere)n die onlancx lede(n) hadde/ gedaecht voe(r) gebreck van betalinge(n) van lxviii stuv(er)s erflic/ tot de(n) iiii[en] genechte van grev(en) t(er) eener zijd(en) en(de) arnold(us)/ van kets als p(ro)cur(eur) der infirmarie(n) vand(en) groo(ten) beghijn hove/ te loeven(e) en(de) de(n) capellane(n) aldair Welc dagheme(n)t zij/ hadde gescudt en(de) sustineerde(n) dat dagheme(n)t en(de) vervogh/ ongefondeert was want zij p(rese)nteerden te thoen(en) dat op/ derve genoech te pande(n) was met meer reden(en) bij hen geal/ ligeert Dair op de voirs(creven) wille(m) dede segge(n) dat hij d he(m)/ gedroech totten den h(ere)n scepen(en) die doen(de) tvoirs(creven) vervolch en(de)/ dagheme(n)t opden gront hadde(n) geweest dat thuys altijt ge/ slote(n) was en(de) niet gesien en was noch bevonde(n) te pand(en)/ mids den welke(n) en(de) meer ande(re)n reden(en) hij sustinerde zijn/ vervolch en(de) dagheme(n)t van weerdd(en) te zijne p(rese)nte(re)nde geliefde/ hen hem te betalen va(n) zijnen chijse met coste en(de) co(m)mere/ dat zij met zijne(n) rechte en(de) met heu(r)en rechte soude(n) moege(n)/ voirtvaen soe hen gelieve(n) soude en(de) zij bevi(n)den soude(n) be/ hoe(re)nde En(de) oft zij die p(rese)ntatie niet aenneme(n) en wouden/ soe hoopte(n) zij dathem dat volge(n) soude aen de gesedte/ pande Es tvonnisse gelueft den voirs(creven) arnold(us) van zets/ kets en(de) zijne(n) medeplege(re)n de voirs(creven) p(rese)ntatie aen te nemen(e)/ dat zij dat souden moege(n) doen in scampno p(rese)ntibus om(n)ibus/ dempt(is) opp(endorp) roelants junii xii