Peter vanden zijpe inden name ende van weghen der infirmarien/ Vanden beghijn hove buten mechelen doet gebieden de goede en(de) tsijs/ hier onder bescreve(n) Inden yersten die dachmael beemds luttel min/ of meer gelege(n) inde prochie van yeteghem inde hamerseelsche beemde/ tusschen den strijtbeemdt van daylaer en(de) de goede henrics vander/ beke v(er)cregen jege(n) h(ere)n rombout wynter p(er)soen van berlaer en(de)/ dair af laureys wilen van turnhout inde(n) name en(de) tot behoef d(er)/ infirmarien vors(creven) goedinghe ontfaen heeft voe(r) hof en(de) he(re) daerme(n) de vors(creven)/ goede af houdende is Ite(m) and(er)half boender bosch gelegen inde prochie van/sente ons(er) vrouwen wavre inde cluyse tusschen de goede mertens van cou/ denberghe en(de) de goede jans vander hoeven It(em) een half boend(er) beemds ge/ legen aldair metten ene(n) eynde neven tvors(creven) hof bosch tussche(n) de goede des/ vors(creven) jans vanden hoeven en(de) de goede der kijnde(re) vander berct gelijc de/ vors(creven) wilen laureys van turnhout die goede inden name en(de) tot behoef/ der vors(creven) infirmarien vercregen heeft jegen gabriel wilen triapain die/ me(n) hiet inden aer en(de) (christ)offels sinen sone en(de) goedinge d(aer) af van hen ont/ faen voe(r) hof en(de) he(re) daermen de selve goede af houdende es/ Item vijf dachmael beemds gelegen inde prochie van rumpst inden/ wildaert in twee stucke(n) daer af deen stuck is gelegen tussche(n) de/ goede der kijnde(re) jans kymp en(de) de goede henrics vanden spyke(re) en(de)/ dander stuck is gelegen tussche(n) de goede des vors(creven) henrics vande(n) spyke(re) en(de)/ de goede philips vander porten vercregen jegen gielise en(de) henricken/ vand(er) wijct gebruede(re)n en(de) dair aff de vors(creven) peter vander zijpe en(de)/ jan cleyn gemack inden name als voe(r) goedinge ontfaen hebbe(n) voe(r)/ hof en(de) he(re) daermen de vors(creven) goede af houdende es Ite(m) de helecht/ van vi boende(re)n onder lant en(de) eeusel gelegen inde prochie van grym/ b(er)ghen achter lynt tusschen de strate gaende te beydeghem w(er)t in/ deen side en der kisten goet vanden beghijnhove voirs(creven) en(de) gheerts va(n)/ hofstaden en(de) sijnre medeplichters in dande(r) side comende mette(n) eynde/ aende strate gaende te hoenbeke w(er)t Item een boend(er) lants gelege(n)/ neve(n) tgoet staphans vorscr(even) aen die side te lynt w(er)t tusschen de/ goede der kisten en(de) gheerts van hofstaden vors(creven) in deen side en(de)/ de goede henrics vander elst van beeve(re) in dande(r) side Ite(m) de helecht/ van ene(n) block lants gelegen tot oedenbrugghe tusschen de goede/ jans van oedenbrugghen in beyden siden comende metten ene(n) eynde/ / aen de bruesselsche hoeve ende mette(n) ande(r) eynde aende strate aldaer/ Item een boender lants gelege(n) aldaer tusschen de hoeve van poddegheem/ aen deen side en(de) de goede willems vander loe en(de) boudens van lynt in/ dande(r) v(er)cregen jegen den vors(creven) wille(m)me vander loe en(de) daer af de/ vors(creven) peter inden name als voe(r) goedinge ontfaen heeft voe(r) hof en(de)/ he(re) daermen de vors(creven) goede af houdende is Item vier hollantsche/ gulden erflec tsijs aen en(de) op een dachwant beemds goessen ty(m)mermans/ tusschen arschot en bethekem gelegen inde beemde aldaer tussche(n) de goede/ goerts van berthem en(de) de goede jans boene En(de) aen en(de) op twee hollan(tsche)/ gulden erflic op een huys en(de) hof met sijnre toebehorten gelege(n) tarscot/ opte bonewijc En(de) oec aen en(de) op i rijnssche gulden erflic op een schuer/ daer bi gelege(n) v(er)cregen jegen h(ere)n janne van boesschot prieste(r) en(de)/ jannes sine(n) natuerlike(n) sone en(de) d(aer) af de vors(creven) pet(er) goedinghe ontfaen/ heeft inden name en(de) tot behoef als voe(r) voer hof en(de) he(re) daerme(n)/ de selve goede af houdende is Dits al te dien eynde ut sup(ra)/ hier af sijn de drie gebode gedaen Te wete(n) dyerste gebot d(aer) af/ des sondaeghs xxiiii dage in septembri anno m cccc tricesimo/ p(rese)ntib(us) w(altero) pynnoc iuniore (et) dyonisio boys scabinis lov(aniensibus) Dand(er) gebot/ d(aer) af des sondaeghs ov(er) xiiii nacht d(aer) naist volgende p(rese)ntibus judo/ co absoloens (et) goessuino ouderogge scab(in)is lov(aniensibus) Tderde gebot d(aer)/ af des sondaeghs ov(er) xiiii nacht d(aer) na sond(er) myddel volgende p(rese)ntibus/ judoco absoloens (et) goessuino ouderogghe scabinis lovan(iensibus)