Gielijs van ov(er)winghe sone jans van ov(er)winghe doet gebieden vijf gulde(n)/ cronen der mu(n)ten skoninx van vrancr(ijck) nu in bursen gaende jaerlik(er) en(de) erfliker/ rente(n) die hi heeft en(de) houdende is aen en(de) op de goede hier na bescreve(n) lodewijc/ liyeboys en(de) lodewijc lyeboys sjonghen, sijns soens Inden yersten aen en(de) op sesse/ dachmael beemds luttel min oft meer gelegen te rosbeke inde p(ro)chie va(n) libbeke/ voer thof des vors(creven) lodewijcs tusschen de goede des vors(creven) jans van ov(er)winghe en(de)/ den driesch aldaer It(em) aen en(de) op derdalf dachmael lants luttel min of mee(r)/ gelege(n) inde vors(creven) p(ro)chie van libbeke opte co(n)nemy(n)ne tusschen de goede henr(ix)/ zedele(re) en(de) de goede jan ty(m)mermans v(er)cregen jegen lodewijcke lyebois vors(creven)/ En dair af de voirs(creven) gielijs goedinghe en(de) vesticheit on[t]faen heeft voe(r) meye(r) en(de)/ scepen(en) van loeven(e) van woute(re)n de zweertneghe(re) die na den recht d(er) stat/ van loeven tot de(n) voirg(eruerde) goeden comen en(de) geleydt was Te dien eynde (et)c(etera)/ hier aff sijn de drie gebode gedaen Te wete(n) dyerste gebot d(aer) af des sondaighs/ xxvi daghe in novembr(is) int jae(r) ons he(re)n m cccc en(de) xxx p(rese)ntib(us) judoco/ absoloens (et) dyonisio boys scabinis lov(aniensibus) Dand(er) gebot d(aer) af des sondaeghs/ ov(er) xiiii nacht d(aer) na sond(er) myddel volgende p(rese)ntib(us) judoco absoloens (et)/ goess(uino) ouderogge scabinis lov(aniensibus) Tderde gebot d(aer) af des sondaighs ov(er)/ xiiii nacht d(aer) na sond(er) myddel volgende p(rese)nt(ibus) goessuino ouderogge (et) ar(nol)[do]/ vanden velde scabinis lovaniensibus