Item niet tegenstaen(de) dat de voirs(creven) willem geloeft heeft den/ voirs(creven) pet(er) erfelic bynnen jairs en(de) vi weken af te leggen is/ nochtan dat gedaen t(er) goed(er) meyninge(n) inden gevalle oft/ de voirs(creven) willem bevonde uuten voirs(creven) goeden meer chijs en(de)/ co(m)mers gaen(de) dan hier nae bescreve(n) staen bynne(n) den voirs(creven) middele(n)/ tijde Te weten(e) xvi stuv(er)s te drie pl(a)c(ken) tstuc aende brued(er)scap/ van sinte qui(n)tens te loven(e) ix stuv(er)s aen pet(ere)n vande(n) bossche/ xviii stuv(er)s aen wencelijne van lathem xxii(½) stuv(er)s janne/ vander beken al erfelic xxiiii stuv(er)s lijftochte(n) aen goirde/ vand(er) beken en(de) xl stuv(er)s oic lijft(ochten) aen henricke crabbe/ en(de) al te drie pl(a)c(ken) den stuv(er) Dat hij hem sal moegen/ recupere(re)n dat gebrec aenden voirs(creven) peter erfelic op dat/ dat gebrec meer dan drie stuv(er)s erf(elic) gedroege ende and(er)s/ niet en(de) sal d(aer) om tvoirs (con)t(uli)[t] en(de) r(ecep)[t] ond(er) scepen(en) blive(n)/ den voirs(creven) tijt due(re)nde cor(am) eisd(em)