SAL7772, Act: R°120.4-V°120.1 (203 of 664)
Search Act
previous | next
Act R°120.4-V°120.1  
Act
Date: 1485-10-29

Transcription

2021-11-22 by Gerry Van Helmont
Want jannes heyms als p(ro)cur(eur) sgroots gasthuys/
bynne(n) loeven(e) geleydt sijnde nade(n) rechte des(er) stadt van/
lov(en) voe(r) zijn wettich gebreck uut crachte va(n) seke(re)n/
scepen(en) brieve(n) van loeven(e) tot alle(n) de(n) goede(n) beide have/
en(de) erve reyneers gelijns willems vand(er) strate(n) geh(eeten) fey/
arnts va(n) ovele jans loenijs jans leema(n)s geh(eeten) ty(m)merma(n)s/
en(de) henricks clee(re)n geh(eeten) de lange soe wair die gelege(n)/
sijn he(m) met br(iev)[en] van des(er) stadt gescr(ev)[en] aend(en) meye(r)
//
van sichene(n) oft zijne(n) stedehoude(r) alle de selve goede heeft/
doen leve(re)n en(de) de(n) voirs(creven) p(er)sonen dach van janne gelijns/
sone des voirs(creven) reyneers woute(re)n en(de) ja(n)ne va(n) wynge/
ja(n)ne leema(n)s sone des voirs(creven) wile(n) jans ja(n)ne loenijs/
voirs(creven) en(de) de(n) voirs(creven) willem(me) feye dach van rechte/
alh(ier) te compa(rer)en oft zij tege(n) de voirs(creven) leveri(n)ge yet/
hadde(n) wille(n) allige(re)n oft de voirs(creven) scep(enen) brieve(n) impugne(re)n/
doen bescheide(n) tot welcke(n) dage de voirs(creven) p(er)sonen noch/
nieman(de) van heu(r)en wege(n) gecomp(ar)eert en es den/
voirs(creven) geleidde(n) compa(rer)ende en(de) trecht voirt v(er)suecken(de)/
Soe hebben de scep(enen) van loeven(e) t(er) maniss(en) smeyers na/
dat hen bij rapporte wout(er)s van boenrode bode des(er)/
stadt behoirlic heeft gebleke(n) de voirs(creven) leveri(n)ge en(de) dach/
bescheidinge bij he(m) gesciet te sijne gewese(n) voe(r) een vo(n)nisse/
datme(n) de(n) voirs(creven) geleidde(n) vand(en) voirs(creven) goede(n) houde(n) soude/
inde macht van sijne(n) beleide en(de) leveri(n)ge(n) voirs(creven)/
alsoe verre alst noch voe(r) hen scep(enen) come(n) is Cora(m) o(mn)ib[(us)]/
dempt(o) b(er)ge octobris xxix
Contributorsmyriam bols
Moderated bymyriam bols
Last update: 2018-06-13 by The Administrator