Vander questien die geweest is voir den raide vander/ stad tusschen janne kenijs en(de) woute(re)n tyerioens/ ter eenre pete(re)n loenkens en(de) gielijse wageman/ poirte(re)n des(er) stadt ter ande(r) zijden aengaen(de) seke(re)n/ coeyen de de voirs(creven) peter en(de) gielijs tegen ruyters/ van oirlogen gecocht hadden en(de) die de voirs(creven) ande(re)/ p(ar)tie gevolgt hadden en(de) doen raste(re)n onder den meye(re)/ van libbeke te cortbeke overloe meynen(de) dat die/ hen toebehoirden en(de) dat zij zeder dat sint truyden/ ond(er) ghing altijt hen gehouden hadden inden dorpe/ van nederlynthe(r) en(de) altijt ald(air) te clocslage metten/ ingeseten(en) en(de) oic ter waken bereet hadden geweest/ dwelc zij al p(rese)nteerden te thoenen(e) h hopen(de) de voirs(creven)/ jan en(de) wouter soe v(er)re zij dat gethoenen consten/ dat hen de voirs(creven) beesten costeloes en(de) scadeloes volgen/ souden d(air) tegen dande(re) p(ar)tien sustineerden de co(n)trarie/ hopen(de) wa(n)t zij die gecocht hadden dat hen die/ bliven souden wa(n)t zij uuyten lande van luydick/ gevlucht wa(r)en es bijden raide vand(er) stadt nae/ dat de voirs(creven) jan en(de) wout(er) huers v(er)meets geheel/ volquame(n) dat hen de voirs(creven) beesten costeloes/ en(de) scadeloes gerestitueert sullen wordden in (con)s(ili)[o] opidi/ aprilis vii