Compare(re)nde voir den raide vand(er) stad jan van belle/ en(de) adam van beylair als de bedesetters des dorps/ van meerhout met deser stad brieven alhier bescreve(n)/ zijnde ter instan(e) ende vervolghe jans scosters ter/ eend(er) zijden ende j de selve jan scosters ter ande(re)/ om der beden wille die de voirs(creven) bedesetters yesschen/ den goidshuyse van meeghdendale bij oplynthe(r) van/ zeke(re)n hue(re)n goeden onder hen gelegen die alsoe/ sij seyden tvoirs(creven) goidshuys hadde vercregen tegen/ theerscap van assche die als sij voirts seyden/ altijt hadden gestaen met hen te scote ende te lote/ en(de) hadden in allen beden gelijc den ande(re)n goeden/ inden voirs(creven) dorpe gelegen mede gecontribueert/ hadden mits dien en(de) dat de voirs(creven) jan als/ huerlinck de voirs(creven) goede besadt hem zijn beesten/ afgepant dair inne zij sustineerden wel gefu(n)/ deert te zijne ende dat de geeyschte bede met/ coste en(de) co(m)me(r) dair aen soude wordden verhaelt/ Dair op de voirs(creven) jan scosters antweerde ter/ p(rese)ncien vanden hoefmeest(er) des voirs(creven) goidshuys/ die alh(ier) om ande(re) saken bescreve(n) was en(de) en(de)/ tegen ande(re) p(er)soene(n) die hij hier bescreven hadde/ te rechte stont dat hem van dien der voirs(creven)/ bedesette(re)n voirneme(n) niet genoech en conste/ verwonde(re)n gemerct alsoe hij p(rese)nteerde te bewijsen(e)/ van zijnd(er) hueringe(n) den voirs(creven) goidshuyse hadde/ betaelt en(de) vernuecht mits den welken sij/ op hem wa(r)en verdoelt mer oft zij gebreck/ hadden mochten zij ende wa(r)en sculdich dat/ te volgen opde goede dair af zij de bede yesschen/ oft op ande(re) des voirs(creven) goidshuys pechtene(re)n die/ den selven goidshuyse genoech sculdich zijn met/ vele meer reden(en) ter eenre en(de) ter ande(r) zijden/ geallegeert Is get(er)mineert bijden voirs(creven) raide/ dat de pe(n)ni(n)ge en(de) p(ro)cedue(re) der voirs(creven) bedesette(re)n
//
wel en(de) te rechte gevordert en(de) gedaen es en(de)/ dat zij dair mede voirst sullen moegen va(r)en/ en(de) p(ro)cede(re)n in pleno (con)s(ili)[o] julii p(ri)ma