Vanden gedinghe dat geweest heeft inde banck/ voir meye(re) en(de) scepen(en) van loven(e) tussche(n) vrancken/ symoens aenlegge(r) ter eend(er) zijden en(de) gielijse crol/ verweerde(r) ter ande(re) om een mudde corens erffelijc/ dwelc de voirs(creven) vrancke sustineerde te hebben(e) op/ een huys met zijne(n) toebehoirten gelegen te wacker/ zeele inde leeps dwelc toe te behoi(r)en plach janne/ huene diemen hiet inde porte ende doen(de)/ sijne aensprake dede hij yerst lesen i guedinge/ uuten beleyde vand(er) daet mcccc xlix opten/ xii[ten] dach der mae(n)t van [vacat] d(air)mede de voirs(creven)/ vrancke tvoirs(creven) huys hem hadde doen leve(re)n onde(re)n/ den ande(re)n gegoet was in twee mudden corens/ op tvoirs(creven) huys metten toebehoirte(n) en(de) eene(n) deser/ stad besloten(en) brief gescreven aen den meye(re) van/ werchte(r) dair mede de voirs(creven) vrancke tvoirs(creven)/ huys hem hadde doen leve(re)n ende dae(re)ntynden/ dede hij seggen met zijne(n) geleverden voirsprake/ dat de voirs(creven) gielijs die de voirs(creven) goede woude/ v(er)antweerden ende hem tegen de leveringe hadde/ geopponeert gehouden soude zijn vanden voirs(creven)/ mudde corens hoe wel de voirs(creven) scepen(en) brieven/ spraken van twee mudden betalinge te doen(e)/ oft dat de goeden hem d(air) voi(r)e volghen souden/ en(de) in handen wordden gewijst ende des geliefde/ hem tvo(n)nisse d(air)op de voirs(creven) gielijs bij zijne(n)/ geleverden voirsprake dede segghen dat de/ voirs(creven) vrancke ne(m)mermeer en soude kynne(n)/ bewijsen den rechte genoech sijnde dat hij
//
een mudde erfcorens hadde op tvoirs(creven) huys/ mair mach wair zijn dat hij voirtijden een/ mudde lijftochten dair op heeft gehadt Oic eist/ wair dat de scepen(en) brieven bij vrancken ge/ exhibeert spreken en(de) rueren van twee/ mudde(n) corens hopen(de) mits dien vanden/ eyssche des voirs(creven) vrancx ongehouden te/ zijne dair op hem wel geliefde dmanisse/ vanden meye(re) en(de) vo(n)nisse van scepen(en) Wair/ op de voirs(creven) vrancke replice(re)nde dede segghen/ dat al mochten zijne brieve(n) spreken van/ twee mudden dat hij nochtan mair een/ mudde en eysch yesch en(de) als vand(er) lijftochten/ bij gielijse geallegeert is wair dat de voirs(creven)/ vrancke van zeke(re)n sijden zijne(n) goeden gelegen/ te thieldonck der kercken van thieldonck/ jairlijcx en(de) erffelijc sculdich is een mudde/ corens dat de selve kerke willem(me) hubrechts/ oft zijnd(er) swegerinne(n) sculdich es een mudde core(n)s/ lijftochte(n) d(air) voi(r)e de voirs(creven) vrancke borghe es naevolgen(de)/ den welken de voirs(creven) vrancke sijn mudde dair/ tegen heeft bewesen en(de) laten betalen dwelc/ alsoe is gebuert over x xx xxx jai(r)en en(de) dage(n)/ en(de) dair over Es gewijst bij scepen(en) van loven(e)/ ter manissen smeyers nae dien de voirs(creven) vrancke/ tot zijne(n) thoen(en) gewesen sijnde des volcomen/ was dat den voirs(creven) vrancken en(de) sijne(n) scepen(en)/ brieve(n) volghen sal dmudde corens dair/ questie om is aen de goede in zijne scepen(en)/ brieve(n) begrepe(n) Cor(am) o(mn)ib[(us)] de(m)pto scoonvorst ja(nuar)[ii] xxi