It(em) jan vand(er) vleeracke(re)n scoemake(r) in p(rese)ntia heeft/ versek(er)t jannese hautijne van luydick en(de) geloeft/ op zijn lijf en(de) op zijn goet en(de) op soenbreke te/ zijne dat hij ne(m)mermeer om gheenrehande sake(n) of/ stucke(n) wille die geschiet moege(n) zijn tussche(n) hem/ t(er) eenre en(de) de(n) voirs(creven) jannese t(er) ande(r) zijde(n) de(n) selve(n)/ jannese vyantscap hatye noch wangonst drage(n)/ en sal noch de(n) selve(n) moyen noch dage(n) buyte(n) lants/ oft elders oft oic te campe suecke(n) oft te eyssche(n) bij/ hem selve(n) noch nieman(de) anders bekinnen(de) oft hij tege(n)/ ennich van des(er) dade dat hij zijn sal peysbrek(er) en(de)/ soenbrek(er) en(de) dat hij d(air) aen verbeurt sal hebben/ zijn lijf en(de) goet behalve(n) oft hij hem yet eyssche(n)/ wilt oft aenspreke(n) dat hij dat doen mach met/ rechte Coram tybe burgim(a)g(ist)ro py(n)nock hove aug(usti) ix[a]