It(em) h(er) lodewijck pynnock ridder hee(re) te velpe(n) vand(er)/ hoest meye(r) van loeven(e) meest(er) jan van coudenberghe/ rade(n) en(de) dierick lebegge oic raet en(de) rentm(eeste)r ons/ gened(ichs) h(ere)n shertoge(n) hebben gelooft onbesundert en(de) elc/ voe(r) al dat zij in hande(n) vand(en) wethoude(re)n d(er) stadt/ van loeven(e) leve(re)n sulle(n) bynne(n) xiiii nachte(n) naistcomen(de)/ eene obligatie onder den segel der stadt van arschot/ van driehondert l xiiii s(cellingen) eene vande stadt va(n) sichen(en)/ van hondert eenentsestich cl(inckarde) iii s(cellingen) en(de) eene van/ geldenake(n) van vierhondert vijfen(de)viftich cl(inckarde) ii s(cellingen) d(air)/ mede inne beg(re)pe(n) zijn ha(n)nuyt en(de) ge(m)blours d(air) mede/ elc van hen gelove(n) sal d(er) voirs(creven) stadt van loeven(e)/ van zijnder so(m)me(n) te ontheffe(n) want de selve stadt van/ loeven(e) voe(r) hen heur brieve(n) van obligatie(n) vander/ voirs(creven) so(m)me(n) div(er)s(en) p(er)sone(n) die de voirs(creven) penni(n)ghe(n) int/ prest van iiii [m] cl(inckarde) ons(s) gened(ichs) hee(re) geconsenteert de(n)/ selve(n) ons(s) gened(ichs) hee(re) hebbe(n) geleent en(de) de voirs(creven)/ penni(n)ge ind(en) wissel der voirs(creven) stadt van loeven(e) te/ stelle(n) tusschen dit en(de) kersmisse naistcomen(de) tamq(uam)/ ass(ecutu)[m] Coram opp(endorp) vynck augusti xi