Vande(n) gedinge dat gheweest heeft inde banck voe(r) meye(r) en(de)/ scepen(en) va(n) loeven(e) tussche(n) janne pet(er)s voe(r) hem selve(n) en(de)/ janne tielma(n)s als mo(m)boir d(er) kinde(re)n jans laureys aenlegge(re)n t(er)/ eenre zijde(n) en(de) anth(onijs) bezuts die met br(iev)[e(n)] van des(er) stadt/ gescr(even) aend(en) meye(r) en(de) scep(enen) m(ijns) h(ere)n des abts en(de) co(n)vents va(n)/ s(in)[t] truye(n) in heu(r)en hof tot webbeke(m) hadde doen scrosse(n) seke(re)/ p(ro)cedue(re)n ind(en) selve(n) hoff begonne(n) bijd(en) voirs(creven) ja(n)ne pet(er)s en(de)/ janne tielma(n)s mo(m)boir d(er) voirs(creven) kinde(re)n jans laureys op div(er)se/ p(er)ceele(n) van erve(n) die hij uut crachte van guedinge(n) voe(r) scep(enen)
//
van loeven(e) deughdelijc gepasseert houden(de) en(de) besitten(de) is ver/ weerde(re)n t(er) ande(re) deden de voirs(creven) aenlegge(re)n segge(n) dat hen vand(en)/ belette hen in dese(n) bijd(en) voirs(creven) anth(onijse) gedaen niet genoech en/ conde verwondere(n) want heur vervolgh dat sij hadde(n) begonne(n)/ was wel en(de) deugdelic gefund(eer)t en(de) bij crachte va(n) scep(enen) br(iev)[e(n)]/ ond(er) de(n) voirs(creven) hoff deugdelic gepass(eer)t vand(er) daet xiiii[c]/ lxxvii opte(n) seste(n) dach va(n) dece(m)ber d(air) mede jan vand(er) gale(n) geh(eeten)/ ghijsma(n)s en(de) v(er)yde va(n) stapele sijn wijf d(er) voirs(creven) aenlegge(re)n inde/ inde goede(n) d(air) op sij hadde(n) gep(ro)ced(eer)t gegoet hadde(n) om hen d(air) mede/inde goede d(er) te lossen en d(aer) aen te verhale(n) alsulke(n) tsestich gul(den)/ te thien st(uvers) tstuc als d(air) voe(r) sij aen janne wellens te vorst v(er)bonde(n)/ staen va(n) sesse gelijke gul(den) tsjaers lijft(ochte) en(de) de selve sesse gul(den)/ jairlicx te trecke(n) tot dat de voirs(creven) lossinge gedaen soude sijn dat/ de voirs(creven) lijft(ochte) staet te(n) live henr(ix) wellens sone des voirs(creven) jans/ noch livich en(de) leven(de) p(rese)nte(re)nde alle pointe(n) in feyte liggen(de) die hen/ ontkint wordde(n) te thoene(n) hopen(de) voe(r) heur gelufte dat de voirs(creven) belet/ anth(onijs) tvoirs(creven) belet tontrechte en(de) als qualic gefu(n)deert he(m) hadde gedaen/ en(de) dat sij opde voirs(creven) goede(n) voirts va(r)en en(de) p(ro)cede(re)n soude(n) moege(n)/ na en(de) mett(er) voirs(creven) bancke(n) recht oft dat de voirs(creven) anth(onijs) he(n) de voirs(creven)/ lossinge soude doen en(de) des geliefde hen tvonnisse dair op de voirs(creven)/ anth(onijs) nadie(n) hij beg(er)t hadde dach om goirde (christ)iaens zijne(n) wara(n)deerde/ dese p(ro)cedue(re) te cundige(n) met des(er) stadt br(iev)[e(n)] alsoe dat bleec bij clarniss(en)/ cornelijs reyns gesciet te sijne dede segge(n) dat de voirs(creven) goirde/ de voirs(creven) en(de) ande(re) des voirs(creven) jans goed(en) vand(er) gale(n) goede(n) na dat die/ bij voirgaen(de) kercgebode(n) op hooge(n) wa(r)en vercocht vercrege(n) hadde in/ welcke(n) publicatie(n) en(de) kercgebode(n) voirtgeroepe(n) wordde(n) alle deghene/ die totte(n) voirs(creven) en(de) ande(re)n goede(n) ennich recht meynde(n) te hebbe(n) met/ inti(m)atie(n) oft sij bynne(n) eene(n) seke(re)n tijde niet en quame(n) d(air) op v(er)steke(n) te/ sijne navolgen(de) de(n) welke(n) hij bijd(en) voirs(creven) goirde inde goede d(air) q(ue)stie om is/ alsoe dat bleec bij scep(enen) br(iev)[e(n)] van lov(en) die hij d(air) exhibeerde vand(er) daet/ nove(m)br(is) xxvi a(nn)[o] lxxxi d(air) inne hij hoopte te blive(n) den voirs(creven) aenlegge(re)n/ replice(re)nde seyde(n) dat sij va(n) gheene(n) publicatie(n) noot en hadde(n) gehoirt/ Oic en soudeme(n) die niet bevi(n)de(n) genoech sijnde om hen d(air) mede va(n) heu(r)en/ rechte dwelc onde(r) van date was dan de guedinge des voirs(creven) anth(onijs) te prive(re)n/ Es gewijst bij scep(enen) van loeven(e) t(er) maniss(en) smeyers na dien de voirs(creven) aenlegg(eren)/ tot heu(r)en thoen(e) gewese(n) sijnde des geheelic volcome(n) wa(r)en dat de voirs(creven)/ anth(onijs) met sijnd(er) p(ro)cedue(re)n en(de) belette opde goede voirs(creven) v(er)doelt is en(de) dat/ de voirs(creven) aenlegg(eren) met heu(r)en begonnen(e) rechte voirtva(r)en en(de) p(ro)cede(re)n/ sulle(n) moege(n) op dat de voirs(creven) anth(onijs) he(n) van heu(r)en gebreke(n) v(er)neuge(n) sal/ In scampno Cor(am) om(n)ibus dempt[o] b(er)ghe octobris xxix