Aldair peter uute(n) hove geleydt nae des(er) stad/ recht tot allen den goeden have en(de) erve joes
//
wilen ghijsels geheete(n) molde(re) met zijne(n) geleverde(n)/ voirspreke heeft doen seggen hoe dat hij hadde v(er)crege(n)/ des(er) stad brieve(n) aen meye(re) en(de) scepen(en) van erps d(air)mede/ zij v(er)socht wa(r)en te cesse(re)n van mane(n) en(de) van/ wijsen vand(er) saken d(air)voi(r)e gielijs van bollenbeke/ en(de) zijnd(er) huysvr(ouwe) den voirs(creven) pete(re)n ald(air) te rechte/ hadde betogen uut dien dat hij des voirs(creven) wilen/ joes goeden hadde aenveert die hij nochtan niet/ dan bij crachte vanden voirs(creven) beleyde hadde ae(n)veert/ en(de) soe verre de voirs(creven) gehuyssche(n) den voirs(creven) pete(re)n/ yet eysschen woude dat zij dat come(n) soude(n) doen/ tot eenen seke(re)n daghe overleden inde banc voir meye(re)/ en(de) scepen(en) van loeven(e) totte(n) welken noch oic op heden/ zij niet come(n) en zijn noch p(ro)cur(eur) van hue(re)n wegen/ den voirs(creven) pete(re)n compare(re)nde en(de) hem bereet/ gheven(de) om rechts te plegen en(de) accuse(re)nde de/ contu(m)acie hebben scepen(en) ter manissen smeyers/ gewesen voir een vo(n)nisse gelieft pete(re)n zijne p(rese)ntacie/ en(de) accusacie te doen(e) teeken(en) dat hij dat doen/ mach Eisd(em)