It(em) want dese rente spruyten(de) compt uut sake(n) van/ elff rijnsch g(ulden) lijftochte(n) die de voirs(creven) jan salmer bekinde/ met scepen(en) brieve(n) van loeven(e) junii xxviii a(nn)[o] lxxxii tot/ div(er)sen live(n) gelijck de scepen(en) brieve(n) vander daet voirs(creven) dat/ nairder uutwis(en) welke xi rijnsch g(ulden) lijftochte(n) mits dese(n)/ inde voirs(creven) nege(n) rijnsch g(ulden) verantw(er)t wordden mitsgad(er)s/ den penni(n)ge(n) die de selve weduwe dair toe noch betaelt/ en(de) geleet heeft en(de) de voirs(creven) jan salmer alsdoen voir/ de lijfpen(sien) van xi r(ijnsch) g(ulden) voirs(creven) en(de) oick meer ande(re) lijfpen(sien)/ die hij alsdoen oick bekinde der voirs(creven) weduwe(n) pantsgewise/ in hande(n) stelde met rechte seke(re) silve(re)n juweelen gelijc die/ int regist(er) vander selv(er) daet gescreve(n) en(de) ge(re)gistreert/ staen Zoe es voirweerde en(de) heeft ge(con)senteert/ gewillecort en(de) ov(er)gegeve(n) de voirs(creven) jan salmer d(er) voirs(creven)/ weduwe(n) dat zij t(er) meerd(er) vestich(eit) van des(er) en(de) d(er) xvii/ rijnsch g(ulden) erflic bij hem bekint m(er)ten(en) den bubbele(re)/ heu(r)en soen(en) octobr(is) xxi lestleden inde veranderi(n)ghe van/ dertich rijnsch g(ulden) lijftochte(n) sal blive(n) houden(de) inder selv(er)/ macht gelijck zij die hadde uut sake(n) der voirs(creven) xi/ rijnsch g(ulden) lijftochte(n) en(de) oick der xxx rijnsch g(ulden) lijft(ochten)/ des voirs(creven) m(er)tens te dier meyni(n)ge(n) dat zij talle(n) tijden/ alst heur gelieft dinhout van heu(r)en voirs(creven) scepen(en) br(iev)[e(n)]/ aende voirs(creven) pande met rechte sal moege(n) verhale(n) alsoe/ dat behoirt en(de) de voirs(creven) erfre(n)te van ix r(ijnsch) gul(den) en(de)/ oic van(der) xvii r(ijnsch) g(ulden) erflic des voirs(creven) m(er)tens afgeq(ue)ten/oft de selve lijfpen(sien) verstorve(n) zijnde en(de) niet eer salme(n)/ de voirs(creven) pande sculdich zijn te r(e)stitue(re)n en(de) te late(n) volge(n)/ den voirs(creven) janne behalve(n) dat hij altijt alst he(m) gelieft beyde/ de voirs(creven) rente(n) en(de) elcke besund(er)t sal moege(n) lossen na/ advenant vand(en) tijde Coram eisdem