It(em) nae dien jan van oucle briede(r) met drie rastamente(n) behoirlic/ gevolgt heeft met rechte op seke(re) penni(n)ge(n) die seke(re) p(er)sonen/ woenen(de) inde wijngairtstrate inde huyse jans fyen den selve(n)/ janne van huyshue(re)n sculdich wa(r)en en(de) dat voe(r) seke(re) schult/ die hem de selve jan fyen van montcoste en(de) anders sculdich/ is de welke hij bij sijnder eedt p(rese)nteerde te verifice(re)n en(de)/ de(n) selve(n) janne dach van rechte alhier te compare(re)n inde banc/ voe(r) meye(r) en(de) scep(enen) van loeven(e) oft hij dair tege(n) yet hadde/ wille(n) allige(re)n heeft doen bescheide(n) tot welke(n) dage op/ hede(n) diene(de) de selve jan fyen noch nieman(de) van sijne(n) wege(n)/ gecompareert en is den voirs(creven) janne van oucle compa(rer)ende/ en(de) trecht voirt versueken(de) en(de) nae dien de hee(re)n scep(enen) van/ loeven(e) ter maniss(en) smeyers na dat hen bij cleerniss(e) jans/ marisses en(de) gielijs devos gebleke(n) heeft de voirs(creven) leveri(n)ge(n)/ en(de) dach bescheidinge(n) geschiet te sijne gewesen hebben/ met vonniss(e) dat de voirs(creven) jan sijn scult verifice(re)n soude bij/ eede en(de) dae(re)nteynde(n) recht en(de) den voirs(creven) janne va(n) oucle/ acht(er)volgen(de) dien zijn scult bij eede op hede(n) gecleert hebben(de)/ op negenthien rijnsch g(ulden) oft dair omtre(n)t dair op hij bekinde/ vijf rijnsch g(ulden) gehave(n) te hebben(e) sonder de coste(n) van rechte h(ier)/ op gedaen Soe hebben de hee(re)n scepen(en) van loeven(e) t(er) maniss(en)/ smeyers gewesen met vonnisse dat de voirs(creven) jan van oucle/ aen de voirs(creven) penni(n)ge zijn scult soude moege(n) verhale(n) en(de)/ ofter yet overde dat soude hij sculdich sijn weder te kee(re)n/ en(de) ofter gebrake dat soude hij moege(n) voirt volge(n) met/ rechte in scampno p(re)dicto octobris p(ri)ma