Item h(er) ghijsbrecht van bakele heeft gesedt ond(er)/ scepen(en) tsestich rinssche gulden(en) te lx pl(a)c(ken) tstuc/ tot behoef jouffr(ouwe) magdalene loenijs weduwe/ diericx wilen van langrode g(er)manis van meld(er)t/ en(de) jouffr(ouwe) magdalene(n) zijnd(er) huysvrouwe(n) docht(er)/ der voirs(creven) jouffr(ouwe) magdalene(n) om hen d(air)mede afgeleet/ te wordden(e) alsulken drie pet(er)s te xix st(uvers) tstuc erffelijck/ met vollen rinte(n) als de voirs(creven) p(er)sone(n) hebben aen en(de)/ op een huys en(de) hof met zijnd(er) toebehoirte(n) des voirs(creven)/ h(er) ghijsbrechts gelegen inde cattestrate tusschen de/ goede jans wilen vander borchove(n) en(de) de goede jans/ wilen van ranshem in welke rinte de voirs(creven)/ jouffr(ouwe) magdalene weduwe hue(r) tocht heeft en(de) d(air)af/ huer docht(er) erfename es cora(m) tybe thiene(n) junii xxiii/ p(ost) nona(m)