SAL7773, Akte: R°113.1 (243 van 819)
Akte R°113.1
Act
Datum: 1486-10-20
Transcriptie
2022-09-05 door myriam bolsIt(em) jan de decker en(de) jan bercman hebben gecleert/
bij hue(re)n eede dat zij zijn scepen(en) van lynden/
en(de) hebben den hee(re) ald(air) den eedt gedaen en(de)/
dat voir hen als voir scepen(en) comen es in p(ro)pe(re)n/
p(er)sone ombedwonge(n) ongehacht en(de) ongehouden/
katline van ov(er)wynghe docht(er) gielijs van/
ov(er)wynghe en(de) heeft voir hen gekint en(de) gelijdt/
dat met ha(r)en wille en(de) danck was alle tghene/
dat henrick de scep(er) met zijne(n) medeplege(re)n/
haer gedaen heeft in wat manie(re)n dat zij/
en(de) seyde al en hadde sijs niet gedaen sij soudt/
noch doen wa(n)t zij hem langhe te vo(r)en co(n)sent/
gegeve(n) hadde om wech te leyden En(de) heeft/
de voirs(creven) katline den voirs(creven) scepen(en) van lynden/
gebeden alsoe sij cleerden in oirconden van twee/
goede ma(n)ne(n) te weten(e) jans ghisele(n) de jonghe/
en(de) jacops de decke(re) dat des voirs(creven) es geschiet/
es met ha(r)en wille en(de) dat zij den selven/
scepen(en) met hue(r) p(ro)pre handen hue(re)n wijn hier/
af gegeve(n) heeft en(de) dat dit gechiedde octobr(is)/
xii lestleden Cor(am) lyefk(enrode) hoeve(n) octobr(is) xx
Nagekeken door: Mi-Je Van Gils
Moderator: Mi-Je Van Gils
Laatste update:: 2018-07-16 door The Administrator