Nae dien jheronim[(us)] vand(en) bulke s(in)te pet(er)sman van/ loven(e) die alhier bescreve(n) hadde met des(er) stad brieve(n)/ jouffr(ouwe) johanne(n) van braken weduwe jans wilen/ van berchem zijnd(er) zweg(er) zijn aensprake heeft begonne(n)/ te doen(e) opder selv(er) zijnd(er) zweg(er) om inden name van/ zijnd(er) huysvrouwe(n) die aflivich wordden was te hebben(e)/ van sijn kynsgedeelte van alsulken goeden als der selv(er)/ zijnd(er) huysvrouwe(n) tertijt als zij noch leefde v(er)schene(n)/ en(de) v(er)storve(n) was nae de doot en(de) aflivich(eit) des voirs(creven)/ jans wilen van berchem huers vaders Heeft de voirs(creven)/ jouffr(ouwe) dat geschut seggen(de) hoe dat de voirs(creven) jheronim(us)/ hem hadde laten ontvliegen al wairt dat hij de sake/ hier verloe(r) hij soude huer noch eld(er) quellen begeren(de)/ d(air) o(m)me met eene(n) gedinge te gestaen(e) d(air) af hij huer/ sculdich wa(r)e inne te staen(e) eer hij voirde(r) soude/ moegen p(ro)cede(re)n dwelc zij hoepte dat voir al/ sculdich soude zijn te geschieden(e) huer des gedragen(de)/ totten vo(n)nisse en(de) den rechte den voirs(creven) sinte pet(er)sman/ de co(n)tra(r)ie sustineren(de) Es bijde hee(re)n s(in)[te] pet(er)sma(n)ne(n)/ van loven(e) ter manissen smeyers gewesen met vo(n)nisse/ gelieft den voirs(creven) ons(en) sinte pet(er)sman voirts te va(r)en/ met rechte dat hij d(air) voe(r) sculdich sal zijn inne te/ staen(e) dat zijn zweg(er) met eene(n) gedinge gestaen/ sal Act(um) coram abs(oloens) milite wytvliet boxho(r)en lyefke(n)rode/ homi(ni)bus sancti petri julii viii