Vanden gedinge dat geweest heeft inde banck/ voir meye(re) en(de) scepen(en) van loven(e) tusschen magrieten/ smeets als geleydt uuyt crachte van scepen(en) brieve(n)/ van loven(e) voir eene(n) halve(n) rijd(er) lijftochte(n) tot alle den/ goeden have en(de) erve jans wilen van kessele ae(n)leggersse/ ter eenre zijden en(de) willem(me) helscheviers als p(ro)cur(eur) gorts/ van kessele zijns zweers verweerde(r) ter ande(re) dede/ de voirs(creven) magriete lesen huer beleyt en(de) dae(re)ntynden/ seggen met hue(re)n geleverden voirsprake dat zij een/ huys en(de) hof metten toebehoirte(n) gelegen te huffle/ den voirs(creven) wilen janne toebehoiren(de) huer hadde doen/ leve(re)n hopen(de) dat hue(r) hantvullinge soude gebu(r)en/ oft dat de selve goeden hue(r) dair voi(r)e souden wordden/ aengewesen huer des getroosten(de) totten rechte en(de) totten/ vo(n)nisse D(air)op de voirs(creven) verweerde(r) dede seggen dat hij/ oick totten voirs(creven) goeden wa(r)e geleydt oude(r) van date/ dan de voirs(creven) magriete hem des gedragen(de) totte(n) selve(n)/ voir zijn wettich en(de) duegdelijck gebreck ende al waert/ soe dat hij niet voi(r)e en wa(r)e geleydt soe wa(r)e zij/ nochtan verdoilt opde voirs(creven) goeden te willen volgen/ oft p(ro)cederen wa(n)t dese goeden d(air) op zij tselve hue(r)/ vervolch vorde(re)n woude den voirs(creven) janne ae(n)comen/ wa(r)en niet bij successien mair bij testame(n)te ende/ makinge(n) gheerts wilen van kessele zijns oudervad(er)s/ en(de) vaders des voirs(creven) gorts En(de) wa(r)en die gemaict op/ condicie dat hij mair zijn leefdage en soude besitte(n)/ sond(er) die te moege(n) v(er)coopen v(er)sette(n) oft belasten/ en(de) dat die nae zijn doot volgen soude(n) den naiste(n)/ erfgename(n) uuyte(n) welken volchde dat zij als/ geleydt totte(n) goeden niet meer rechts en const/ gehebben noch gepretende(re)n dan de ghene hadde d(air)toe/ zij mocht zijn geleydt Der voirs(creven) magrieten/ replice(re)nde dede seggen dat aengesien den testame(n)te/ alhier gheene disputacie en behoirde en(de) als van/ gorts beleyde wa(r)e dat gemaict voir een slape(n)/ en(de) ter goeder trouwen en(de) om des voirs(creven) wilen jans/ goeden te bescudden dat meer es hadde de voirs(creven)
//
wilen jan de voirs(creven) goede(n) beseten zijne(n) duerdach en(de)/ wa(r)e dair uuyt gestorve(n) als uuyt zijne(n) p(ro)pe(re)n erve/ bieden(de) thoen te beyden zijden van des in feyte wa(r)e/ gelegen En(de) nae dien p(ar)tien hue(r) thoenisse naevolg(ende)/ seke(re) voirvo(n)niss(en) hebben geleydt en(de) testame(n)t d(air)af/ voi(r)e me(n)cie gemaict is gevisiteert es geweest/ hebben scepen(en) van loven(e) ter maniss(en) smeyers gewesen/ met vo(n)nisse dat de p(ro)cedu(r)e van beyde den p(ar)tien/ uuyt saken van hue(re)n beleyde(n) opde goede dair/ questie om es is ongefondeert In sca(m)pno p(rese)nt(ibus)/ abs(oloens) hoeve(n) tybe thenis nove(m)br(is) xxi