Vanden gedinge dat geweest heeft inde banck/ voir meye(re) en(de) scepen(en) van loeven(e) tusschen henricke/ van thienen als procur(eur) katlijne(n) sholland(er)s dochter/ henricx de hollande(re) ter eenre en(de) den selven henricke/ hue(re)n vader ter ande(r) zijden aldair de voirs(creven) procur(eur)/ dede lesen eene deylinge tusschen hue(re)n voirs(creven) vader/ ter eenre en(de) der selver katlijne(n) en(de) johanne(n) huer(er)/ suster ter ande(re) vander daet des tweeste(n) daighs januar(ii)/ a(n)no xiiii[c] lxxvi dair mede den selven gesuste(re)n gedae(n) yerst/ uute(n) broode van hue(re)n voirs(creven) vader in behoirlijcker manie(re)n/ gevallen zijn div(er)se p(er)ceelen van goeden d(air) de vader/ sonder d(air) inne gereserveert te hebben(e) e(n)nige tocht/ behoirlijc en(de) halmelijc gerenu(n)cieert hadde tot zijnd(er)/ dochte(re)n behoef En(de) d(air)entinden dede de selve procur(eur)/ seggen hoe de selve vader bove(n) en(de) in co(n)trarie(n) vand(er)/ selver deylinge(n) en(de) renu(n)ciacie(n) der voirs(creven) kat(lij)[ne(n)] voirge/ houde(n) hadde en(de) noch hielt hue(r) kinsgedeelte vand(en)/ selven aengedeylde(n) goeden dat gebruycken(de) en(de) besitten(de)/ en(de) zijn prouffijt d(air) mede doen(de) gelijc oft dair af gheen(en)/ deylinge oft renu(n)ciatie en wa(r)e geschiet Ende alsoe/ hadde de selve p(ro)cur(eur) hem mette(n) hee(re) zijn hande d(air) af/ doen lichten hopen(de) voir zijn co(n)clusie dat de selve/ henrick d(air) af sculdich soude zijn te scheyde(n) en(de) die/ der selver zijnder dochter die te baste en(de) te breke/ ghinck tot huer(er) bijleni(n)gen en(de) nootdorften behoef te/ laten volgen hem des getroesten(de) totte(n) rechte Te voirde(r)/ want zij geloofde en(de) p(rese)nteerde die niet te versette(n)/ te verthie(re)n noch te belaste(n) e(m)mer soe lange zij ongehout/ en(de) in huers vaders broode wa(r)e ten wa(r)e in nootlijcke(n)/ saken bij raide weten(e) en(de) consente vand(er) stad oft van/ hue(re)n naisten vrienden Dair tegen de voirs(creven) henr(ick)/ de co(n)trarie sustine(re)nde bij div(er)se(n) reden(en) namelijck/ al mochte zijn dochter voirs(creven) int stuck vander voirs(creven)/ deylinge(n) en(de) v(er)thijdinge(n) uut zijne(n) broode gedaen zijn/ geweest dat d(air) o(m)me niet en volchde dat zij van/ dien goede(n) soe lange zij ongehoude(n) wa(r)e oft anders
//
in zijne(n) broode e(n)nich bewint vande(n) selven ae(n)gedeylde(n)/ goede(n) oft hue(r) gedeelte van dien schuldich wa(r)e te/ hebben Hij dede oick seggen hoe hij beyde zijne/ dochte(re)n besorcht hadde deen in een eerlijke cloeste(r)/ d(air) hij groote(n) cost en(de) last mede gehadt hadde en(de)/ dair toe zij huer niet en hadde(n) wille(n) geve(n) mair/ meer geneycht wa(r)e tot o(n)eerba(r)en leven(e) en(de) soude/ zij dan bewint van e(n)nige(n) goede(n) hebben dat soude/ zij moege(n) o(n)mittelijc en(de) oneerbaerlijc doer bringe(n)/ hij p(rese)nteerde eve(n)verre zij haer droege als een goet/ kint sculdich wa(r)e te doen(e) hem wed(er)om in huer te/ quite(n) als een goet vader Dair tegen de voirs(creven)/ p(ro)cur(eur) replice(re)nde en(de) vader duplice(re)nde met div(er)s(en)/ altricatie(n) soe v(er)re dat scepen(en) van loeven(e) ter/ manissen smeye(r)s gewijst hebben voir een vo(n)nisse/ dat der voirs(creven) katlijne(n) volge(n) sal huer gedeelte/ vande(n) goede(n) nae uutwijsen der deylinge(n) op de/ p(rese)ntacie bij huer gedaen In sca(m)pno Cor(am) o(mn)ib[(us)] scab(inis) dec(embris) xvi