Alsoe als ten vervolge willems van leefdale p(ro)cur(eur) meest(er)/ joes coekeroel geleydt zijnde nae den rechte van des(er) stadt/ uuyt crachte van scepen(en) brieve(n) van loven(e) voir zijn/ wettich gebreck tot alle den goeden beyde have en(de)/ erve jans francq(ue) soe wair die gelegen zijn Gescreve(n)/ is geweest met brieve(n) van des(er) stadt aen den meye(r)/ de mont s(ain)t wyebeert oft zijne(n) stadhoude(r) alle de selve/ te leve(re)n en(de) peyslijck te doen volgen den voirs(creven) geleydden/ oft den bringe(r) der voirs(creven) ons(er) brieve(n) in zijne(n) name En(de)/ oft de voirs(creven) jan oft yema(n)t anders tegen de voirs(creven) brieve(n)/ yet hadde willen allege(re)n dat hij des come(n) wa(r)e tot/ eene(n) seke(re)n dage van rechte inde banc voir meye(r) en(de)/ scepen(en) van loven(e) va op heden dyenen(de) ald(air) de voirs(creven)/ jan noch nyema(n)t van zijne(n) wegen gecompareert en/ es den voirs(creven) geleydden co(m)pare(re)nde en(de) trecht voirt v(er)sueken(de)/ Soe hebben de scepen(en) van loven(e) yerst aengehoirt cornelijse/ reyns bode van des(er) stadt die cleerde bij zijne(n) eede dat/ de voirs(creven) meye(r) de leveri(n)ge en(de) dach besceydinge nae/ inhouden den voirs(creven) scriven(e) gedaen hadde ter manissen/ smeyers gewesen voir een vo(n)nisse soe v(er)re de voirs(creven)/ jan oft yema(n)t van zijne(n) wegen niet en quame ten opstaen(e)/ smeyers datmen den voirs(creven) geleydden houden soude in/ zijnd(er) leveri(n)gen tot zijne(n) wettigen gebreke behoef/ alsoe v(er)re alst noch voir hen scepen(en) come(n) es Coram/ o(mn)ibus dempto boxho(r)en julii quarta